Monday, June 17, 2024
Homeરાષ્ટ્રીયવિશ્વમાં સૌ પ્રથમ અદાણી કૌશલ્ય વિકાસ કેન્દ્ર મેટાવર્સમાં ભણાવશે

વિશ્વમાં સૌ પ્રથમ અદાણી કૌશલ્ય વિકાસ કેન્દ્ર મેટાવર્સમાં ભણાવશે

સાત વર્ષની સફળતાના સીમાચિન્હનરૂપે અત્યાધુનિક ટેકનોલોજી સુસજ્જ કેન્દ્ર બન્યું

- Advertisement -

ભારતના યુવાધનને રાષ્ટ્રનિર્માણમાં યોગદાનના ઉદ્દેશથી અદાણી કૌશલ્ય વિકાસ કેન્દ્ર (ASDC) ની સ્થાપના 16 મે, 2016ના રોજ કરવામાં આવી હતી. બિન-લાભકારી સંસ્થા તરીકે રોજગારલક્ષી તાલીમ થકી ASDCએ સાત વર્ષની સફર સફળતાપૂર્વક પૂર્ણ કરી છે. આ સિમાચિહ્નને વધાવવા ફાઉન્ડેશને વિશ્વમાં સૌપ્રથમવાર મેટાવર્સમાં બે અભ્યાસક્રમો શરૂ કર્યા છે. ASDC વર્ટિકલ ભવિષ્ય માટે તૈયાર વ્યાવસાયિકોને અત્યાધુનિક ટેકનોલોજીનો ઉપયોગ કરી તાલીમ આપવાના મિશનને સતત આગળ ધપાવી રહ્યું છે.

- Advertisement -

મેટાવર્સ સાથે  ASDC એક આકર્ષક તબક્કામાં પ્રવેશ કરી રહ્યું છે જેમાં વર્ચ્યુઅલ ક્લાસરૂમ્સ દ્વારા જ્ઞાન, કૌશલ્ય અને ટેક્નોલોજીના સમન્વયથી ઉત્તમ શિક્ષણ મળે છે. રાષ્ટ્રીય તાકીદને ધ્યાને રાખી ASDC એ નવા કોર્સીસમાં આરોગ્ય અને હોસ્પિટલ ઉદ્યોગને મદદરૂપ થતા જનરલ ડ્યુટી આસિસ્ટન્ટ (GDA) અને ફાયર સેફ્ટી જેવા અભ્યાસક્રમોને પ્રાથમિકતા આપી છે. ભવિષ્યમાં વધુ અભ્યાસક્રમો આ જ રીતે મેટાવર્સમાં ઉપલબ્ધ કરાવવામાં આવશે.

વર્ચ્યુઅલ ક્લાસરૂમમાં વર્ચ્યુઅલ રિયાલિટી (VR) હેડસેટ દ્વારા શીખનારાઓના રોમાંચની કલ્પના કરો જ્યાં તેઓ અભ્યાસક્રમને ભણીને હેન્ડ-ઓન પ્રવૃત્તિઓનો અભ્યાસ પણ મેટાવર્સમાં કરે છે. તાલીમાર્થીઓને પસંદગીના વિષયની ઊંડી સમજ ધરાવતી આ ટેકનોલોજી એક ગેમ-ચેન્જર છે. ભારતના 13 રાજ્યોમાં 40 અદાણી કૌશલ્ય વિકાસ કેન્દ્રો પરના વિદ્યાર્થીઓ આ અભ્યાસક્રમો માટે મેટાવર્સમાં નોંધણી કરાવી શકશે.

- Advertisement -

ટેકનોસેવી તાલીમ આપવામાં અગ્રેસર ASDC વિશ્વભરના વિદ્યાર્થીઓ માટે આ અભ્યાસક્રમો ઉપલબ્ધ કરાવશે. કોઈપણ વ્યક્તિ આ અભ્યાસક્રમો માટે ઑનલાઇન નોંધણી કરાવી કમ્પ્યુટર/લેપટોપમાં શીખી શકે છે. એટલું જ નહી, VR હેડસેટની વિના પણ વર્ચ્યુઅલ ક્લાસરૂમનો અનુભવ કરી શકાશે.

અદાણી SAKSHAM આજના ઉદ્યોગોની જરૂરિયાતો અનુસાર કોર્સીસ ઓફર કરે છે. જેમાં અદ્યતન તકનીકો દ્વારા કૌશલ્ય-વિકાસના અભ્યાસક્રમો, વેલ્ડીંગ માટે ઓગમેન્ટેડ રિયાલિટી અને ક્રેન ઓપરેશન માટે સિમ્યુલેશન-આધારિત સોફ્ટવેર વગેરેનો સમાવેશ થાય છે. મેટાવર્સમાં કૌશલ્ય વિકાસ કેન્દ્રનો શુભારંભ એ જ દિશામાં આગોતરી પહેલ છે. સાત વર્ષના ટૂંકા ગાળામાં અદાણી SAKSHAM એ 1.25 લાખ તાલીમાર્થીઓને કાર્યકુશળ બનાવ્યા છે. જે પૈકી 56,000 થી વધુ રોજગારી, સ્વરોજગારી કે ઉદ્યોગ સાહસીક બની કારકીર્દી ઘડી રહ્યા છે.

- Advertisement -

 

- Advertisement -
RELATED ARTICLES
- Advertisment -

Most Popular