જામજોધપુર તાલુકાના સિદસર ગામની સીમમાં વાડીના શેઢાની જમીનમાં દાટેલી 10 દારૂની બોટલ સાથે જામજોધપુર પોલીસે શખ્સને ઝડપી લઇ પૂછપરછ હાથ ધરી હતી. જામનગર શહેરમાં રૂપિયાના સર્કલ પાસેથી પસાર થતાં શખ્સને દારૂની બોટલ સાથે પોલીસે ઝડપી લીધો હતો.
દરોડાની વિગત મુજબ પ્રથમ દરોડો જામજોધપુર તાલુકાના સિદસર ગામના સીમ વિસ્તારમાં આવેલી વિશ્ર્વરાજસિંહ ભૂપતસિંહ વાળાના ખેતરના શેઢાની જમીનમાં દારૂની બોટલો દાટેલી હોવાની બાતમીના આધારે જામજોધપુર પોલીસે રેઇડ દરમ્યાન ખેતરના શેઢાની જમીનમાંથી રૂા. 5 હજારની કિંમતની 10 બોટલ દારૂ કાઢી કબ્જે કરી વિશ્ર્વરાજસિંહની ધરપકડ કરી અને પૂછપરછ હાથ ધરતા દારૂના જથ્થામાં અર્જુન ઉર્ફે રામો ભીમા રબારીની સંડોવણી હોવાની કેફિયતના આધારે પોલીસે બે શખ્સ વિરૂઘ્ધ ગુનો નોંધી આગળની કાર્યવાહી હાથ ધરી હતી.
બીજો દરોડો જામનગર શહેરમાં રૂપિયાના સર્કલ પાસેથી પસાર થતાં શંકર દીપક થાપા નામના શખ્સને સિટી એ ડિવિઝન પોલીસ સ્ટાફે આંતરીને તલાશી લેતા તેના કબ્જામાંથી રૂા. 1300ની કિંમતની ઇંગ્લીશ દારૂની બોટલ મળી આવતા પુછપરછ હાથ ધરતા આ દારૂની બોટલમાં હર્ષ ઉર્ફે હિતેશ રાજપૂતની સંડોવણી ખુલતા પોલીસે બે શખ્સ વિરૂઘ્ધ ગુનો નોંધી આગળની તપાસ આરંભી હતી.
