Thursday, February 22, 2024
Homeરાજ્યજામનગરજામનગર શહેરમાં સાસરિયાઓના ત્રાસથી યુવતીએ દવા ગટગટાવી

જામનગર શહેરમાં સાસરિયાઓના ત્રાસથી યુવતીએ દવા ગટગટાવી

- Advertisement -

જામનગર શહેરના ગોકુલનગર પાણાખાણ વિસ્તારમાં રહેતી યુવતીએ જૂગાર રમવાના પૈસા ન આપતા પતિ, સાસુ, સસરા અને દિયરે બોલાચાલી કરી અપશબ્દો બોલી શારીરિક માનસિક ત્રાસ આપતા યુવતી એ દવા ગટગટાવી આપઘાતનો પ્રયાસ કર્યો હતો.

- Advertisement -

આ અંગેની વિગત મુજબ, જામનગર શહેરના ગોકુલનગર પાણાખાણ શેરી નં.9 માં રહેતી આરતીબેન કારાભાઈ સોલંકી (ઉ.વ.23) નામની યુવતીના પતિ કારુભાઈએ પાંચ દિવસ પહેલાં જૂગાર રમવા માટેના રૂપિયાની માંગણી કરતા પત્નીએ રૂપિયા આપવાની ના પાડતા યુવતીની સાસુએ તેના પુત્રને જૂગાર રમવા રૂપિયા આપ્યા હતાં. જેથી યુવતી અને તેની સાસુ તથા પતિ સાથે બોલાચાલી અને ઝઘડો થયો હતો. આ ઝઘડામાં પતિ કારા ભોજા સોલંકી, સાસુ શાંતાબેન ભોજા સોલંકી, સસરા ભોજા સોલંકી, દિયર અજય સોલંકી સહિતના ચાર સાસરિયાઓએ એક સંપ કરી આરતીબેનનેે શારીરિક માનસિક ત્રાસ આપતા હતાં. તેમજ પતિ કારુભાઈ તથા સાસુ શાંતાબેન ફડાકા અને ઢીકાપાટુનો માર માર્યો હતો. સાસરિયાઓ દ્વારા અપાતા ત્રાસથી કંટાળીને ગત તા.19 ના રોજ સાંજના સમયે આરતીબેને ઝેરી દવા પી આપઘાતનો પ્રયાસ કરતા સારવાર માટે હોસ્પિટલમાં ખસેડવામાં આવી હતી.

આ અંગેની જાણ થતા પીએસઆઈ આર.એ.ચનિયારા તથા સ્ટાફે હોસ્પિટલ પહોંચી જઇ યુવતીના નિવેદનના આધારે પતિ અને સાસુ-સસરા તથા દિયર સહિતના ચાર શખ્સો વિરૂધ્ધ ગુનો નોંધી વધુ તપાસ હાથ ધરી હતી.

- Advertisement -
RELATED ARTICLES
- Advertisment -

Most Popular