Friday, March 29, 2024
Homeરાષ્ટ્રીયકેબલ અને DTHના ખર્ચમાં થઇ શકે છે ઘટાડો

કેબલ અને DTHના ખર્ચમાં થઇ શકે છે ઘટાડો

- Advertisement -

ભારતીય ટેલિકોમ રેગ્યુલેટરી ઓથોરિટીએ નવા ટેરિફ ઓર્ડર 2.0 માં સુધારો કર્યો છે. હવે કેબલ અને ડીટીએચ ગ્રાહકોને રાહત મળી શકે છે. નવા નિયમ હેઠળ, 19 રૂપિયાથી ઓછી કિંમતની ચેનલો બુકેમાં જોડાઈ શકશે. આ કારણે, TRAI સેક્રેટરી, વી. રઘુનંદનએ નવા નિયમો અંગે એક નોટિફિકેશન બહાર પાડ્યું છે.નવા નિયમો અંગેના નોટિફિકેશન અનુસાર, તમામ બ્રોડકા્સ્ટર્સ, તેમની પે ચેનલોના બુકેની કિંમત નક્કી કરતી વખતે, તે બુકેમાં તમામ પે ચેનલોની MRPના સરવાળા પર મહત્તમ 45 ટકા ડિસ્કાઉન્ટ ઓફર કરી શકે છે. અત્યારે માત્ર 33 ટકા ડિસ્કાઉન્ટ આપી શકાય છે. ટ્રાઈનું કહેવું છે કે પે ચેનલની એમઆરપી બ્રોડકાસ્ટર દ્વારા આપવામાં આવતા ડિસ્કાઉન્ટ તેમજ બુકેમાં તે ચેનલની સંયુક્ત સભ્યપદ પર આધારિત હશે.

- Advertisement -

ટ્રાઈના આ નવા નિયમો 1 ફેબ્રુઆરી 2023થી લાગુ થશે. TRAI કહે છે કે ટેલિવિઝન ચેનલોના તમામ વિતરકો ખાતરી કરશે.

1 ફેબ્રુઆરી, 2023 સુધીમાં ગ્રાહકોને તેમના દ્વારા પસંદ કરાયેલ બુકે અથવા ચેનલો અનુસાર સેવાઓ પૂરી પાડવામાં આવે. TRAI દ્વારા એવું પણ કહેવામાં આવ્યું છે કે તમામ બ્રોડકાસ્ટર્સ 16 ડિસેમ્બર 2022 સુધીમાં ચેનલનું નામ, ભાષા, ચેનલોની MRP અને ચેનલોના બુકેની રચના અને MRPમાં કોઈપણ ફેરફારની જાણ કરશે. ભારતીય પ્રસારણ અને ડિજિટલ ફાઉન્ડેશનના પ્રમુખ માધવને ટ્રાઈ દ્વારા સૂચિત સુધારાને આવકારતા કહ્યું કે તે ઉદ્યોગ અને નિયમનકાર વચ્ચેના રચનાત્મક સંવાદનું પરિણામ છે. NTO 2.0 એ ઉદ્યોગ અને TRAI વચ્ચેના મજબૂત સહયોગનું પરિણામ છે. લાંબા સમયથી પડતર માંગણીઓને પહોંચી વળવા વાટાઘાટો કરવામાં આવી હતી, જે બાદ ઉદ્યોગ માટે અનુકૂળ વાતાવરણ ઉભું કરવામાં તાકાત આવી છે. ગયા અઠવાડિયે, TRAIના અધ્યક્ષ વાઘેલાએ નવી દિલ્હીમાં CII બિગ પિક્ચર સમિટમાં જણાવ્યું હતું કે તે લાઇટ-ટચ રેગ્યુલેશનની જાહેર કરેલી નીતિને અનુરૂપ નવા ટેરિફ ઓર્ડર અને ઇન્ટરકનેક્શન નિયમોમાં સુધારાઓ જારી કરી શકે છે.

- Advertisement -
RELATED ARTICLES
- Advertisment -

Most Popular