બેંગ્લોરમાં રહેતા એક ડોગ બ્રીડરે એક ખાસ જાતિનો કૂતરો ખરીદ્યો છે, સતીશ નામના આ વ્યક્તિએ હૈદરાબાદથી કોકેશિયન શેફર્ડ બ્રીડનો કૂતરો ખરીદ્યો છે. આ કૂતરાની કિંમત 20 કરોડ રૂપિયા હોવાનું કહેવાય છે.
તમે ઘણા પ્રકારના પેટ લવરને જોયા જ હશે.તેઓ તેમના પાલતુ પ્રાણીઓને તમામ પ્રકારની લક્ઝરી લાઈફ આપવાનો પ્રયાસ કરે છે. બેંગલુરૂના એક કૂતરા બ્રીડરે થોડા દિવસો પહેલા એક દુર્લભ કોકેશિયન શેફર્ડ કૂતરો ખરીદ્યો છે. આ કૂતરાની કિંમત 20 કરોડ રૂપિયા હોવાનું કહેવાય છે.
મીડિયા રિપોર્ટ્સ અનુસાર, આ વ્યક્તિનું નામ સતીશ જણાવવામાં આવી રહ્યું છે. તે ડોગ બ્રીડર છે. બેંગ્લોરમાં તેની કેનલ પણ છે. તેણે હૈદરાબાદના એક બ્રીડર પાસેથી કોકેશિયન જાતિનો આ દુર્લભ બ્રીડનો કૂતરો ખરીદ્યો છે. મીડિયા રિપોર્ટ્સ અનુસાર ‘કેડબોમ હૈદર’ ડોગની ઉંમર 1.5 વર્ષ છે. તેણે ત્રિવેન્દ્ર અને અન્ય ડોગ શોમાં પણ ભાગ લીધો હતો. ખાસ વાત એ છે કે, તેણે આ સ્પર્ધામાં ઘણા મેડલ પણ જીત્યા હતા. એક ઈન્ટરવ્યુમાં કૂતરાના માલિક સતીષે જણાવ્યું કે, ‘કેડબોમ હૈદર’ કદમાં ખૂબ જ મોટો છે. આ એક ખૂબ જ ફ્રેડલી ડોગ છે. તે ઘરમાં આરામથી રહે છે.
કહેવાય છે કે સતીશ મોંઘા અને દુર્લભ જાતિના કૂતરા ખરીદવા માટે જાણીતા છે. 2016 માં, તે કોરિયન માસ્ટિફ જાતિનો કૂતરો ધરાવનાર ભારતમાં પ્રથમ વ્યક્તિ બન્યો છે. આ કૂતરાઓની કિંમત 1 કરોડ રૂપિયા હોવાનું કહેવાય છે. તેને આ કૂતરા ચીનથી મળ્યા હતા. તે એરપોર્ટથી લક્ઝરી કારમાં કૂતરાને ઘરે લઈ આવ્યો હતો. જણાવી દઈએ કે, કોકેશિયન શેફર્ડને રક્ષક કૂતરા તરીકે ઓળખવામાં આવે છે. આ કૂતરો સ્વભાવે એકદમ નીડર છે. તે તેના મૈત્રીપૂર્ણ સ્વભાવ માટે પણ જાણીતું છે. આ જાતિ ખાસ કરીને જયોર્જિયા, આર્મેનિયા, અઝરબૈજાન, ઓસેશિયા, દાગેસ્તાન અને રશિયાના કેટલાક ભાગોમાં જોવા મળે છે. વિદેશમાં શિયાળાની ઋતુમાં ઘરની સુરક્ષા માટે આ જાતિના કૂતરાઓનો ઉપયોગ કરવામાં આવે છે. આ કૂતરો પ્રાણીઓને વરૂ અને કોયોટ્સ જેવા હિંસક પ્રાણીઓથી પણ રક્ષણ આપે છે. સંપૂર્ણ વિકસિત કોકેશિયન શેફર્ડનું વજન 70 કિલોથી વધુ હોઈ શકે છે. તેની ઉંચાઈ લગભગ 30 ઈંચ હોઈ શકે છે. આ જાતિનું જીવન 10 થી 12 વર્ષ છે.
