કલ્યાણપુર નજીક અજાણ્યા વાહનની હડફેટે યુવાનનું મૃત્યુ

દ્વારકા જિલ્લાના કલ્યાણપુર નજીક આવેલા સતાપર અને નાવદ્રા ગામના પાટીયાના પાસેથી પૂરઝડપે બેફીકરાઇથી પસાર થતા અજાણ્યા વાહનચાલકે માનસિક બીમાર યુવાનને ઠોકરે ચડાવતા ગંભીર ઈઝા પહોંચતા જામનગરની સરકારી હોસ્પિટલમાં સારવાર દરમિયાન મોત નિપજ્યાનું તબીબોએ જાહેર કર્યુ હતું. બનાવ અંગે પોલીસે અજાણ્યા વાહન ચાલક વિરુધ્ધ ગુનો નોંધી આગળની કાર્યવાહી હાથ ધરી હતી.

અકસ્માતના બનાવની વિગત મુજબ, કલ્યાણપુરથી આશરે 38 કિલોમીટર દૂર સતાપર તથા નાવદ્રા ગામના પાટીયા વચ્ચે ગત સપ્તાહમાં વહેલી સવારના સમયે ચઢતા પહોરે પૂરઝડપે અને બેફિકરાઈપૂર્વક પહેલા કોઈ અજાણ્યા વાહનના ચાલકે આ માર્ગ પરથી જતા આશરે 40 થી 45 વર્ષના અને માનસિક રીતે અસ્વસ્થ મનાતા અજાણ્યા યુવાનને અડફેટે લેતા તેમને ગંભીર હાલતમાં વધુ સારવાર અર્થે જામનગરની જી.જી. હોસ્પિટલમાં ખસેડવામાં આવ્યા હતા. જેનું સારવાર દરમિયાન તેમનું મૃત્યુ નિપજ્યું હતું. આ બનાવ અંગે નાવદ્રા ગામની સીમમાં રહેતા વજાભાઈ નથુભાઈ કરમુર (ઉ.વ. 50) ની ફરિયાદ પરથી કલ્યાણપુર પોલીસે અજાણ્યા વાહનચાલક સામે આઈ.પી.સી. કલમ 279, 304 (અ), 337, 338 તથા એમ.વી. એક્ટની કલમ મુજબ ગુનો નોંધી, આગળની તપાસ પીએસઆઈ એફ.બી. ગગનીયા દ્વારા હાથ ધરવામાં આવી છે.