ધાંગડા ગામના પાટિયા પાસેથી જામનગર એલસીબી પોલીસે એક શખ્સને મોટરકારમાં 528 નંગ દારૂની બોટલો સાથે ઝડપી લઇ મોબાઇલ ફોન, મોટરકાર સહિત કુલ રૂા. 4,89,300ની કિંમતનો મુદ્દામાલ કબ્જે કરી કાયદેસરની કાર્યવાહી હાથ ધરી હતી.
દારૂના દરોડાની વિગત મુજબ જામનગર-રાજકોટ હાઇવે ઉપર ધાંગડા ગામના પાટિયા પાસે એક શખ્સ મોટરકારમાં દારૂની હેરાફેરી કરવાનો હોવાની એલસીબીના મયૂરસિંહ પરમાર, યુવરાજસિંહ ઝાલા તથા ઋષિરાજસિંહ વાળાને મળેલી બાતમીના આધારે જિલ્લા પોલીસવડા ડો. રવિ મોહન સૈનીની સૂચના અને એલસીબીના પીઆઈ વી.એમ. લગારીયાના માર્ગદર્શન મુજબ પીએસઆઇ સી. એમ. કાંટેલિયા, પી.એન. મોરી તથા સ્ટાફના હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલાવાડિયા, હિરેનભાઇ વરણવા, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, બળવંતસિંહ પરમાર, મયૂરસિંહ પરમાર, યુવરાજસિંહ ઝાલા, ભયપાલસિંહ જાડેજા, અજયભાઇ વીરડા, કિશોરભાઈ પરમાર, ઋષિરાજસિંહ વાળા, ભરતભાઇ ડાંગર, ઘનશ્યામભાઇ ડેરવાડિયા, સુમિતભાઇ શિયાર, સુરેશભાઇ માલકિયા, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે જીજે03 ડીએમ 9400 નંબરની મોટરકારમાંથી રવિરાજસિંહ સદુભા જાડેજા નામના શખ્સને રૂા. 1,84,300ની કિંમતની 528 નંગ દારૂની નાની-મોટી બોટલો સાથે ઝડપી લીધો હતો.
પોલીસે દારૂની બોટલો, રૂા. 5000ની કિંમતનો મોબાઇલ, રૂા. 3 લાખની મોટરકાર સહિત કુલ રૂા. 4,89,300નો મુદામાલ કબ્જે કર્યો હતો. દારૂનો જથ્થો મંગાવનાર તરીકે નારણ આલા ડેર તથા સપ્લાયર તરીકે ચંદ્રસિંહ સોલંકીના નામો ખુલતા તેની શોધખોળ હાથ ધરાઇ છે.
