જામનગર શહેરના ખોડિયાર કોલોની, 92 ક્વાર્ટર પાછળ બાવળની ઝાડીઓમાંથી દારૂની બોટલો સાથે શખ્સને ઝડપી લઇ આગળની તપાસ હાથ ધરી હતી. જામનગરના પવનચકકી વિસ્તારમાંથી પોલીસે દારૂની બોટલ સાથે શખ્સને ઝડપી લીધો હતો. જામનગરમાં હર્ષદ મીલની ચાલી પાસેથી પોલીસે દારૂના ચપલા સાથે શખ્સને ઝડપી લીધો હતો.
દરોડાની વિગત મુજબ પ્રથમ દરોડો જામનગર શહેરના ખોડિયાર કોલોની, 92 ક્વાર્ટર પાછળ, બાવળની ઝાડીઓમાં ઇંગ્લીશ દારૂનો જથ્થો હોવાની હે.કો. યુવરાજસિંહ જાડેજા, એએસઆઇ યશપાલસિંહ જાડેજા, પો.કો. મયૂરસિંહ જાડેજા અને મહાવીરસિંહ જાડેજાને મળેલી સંયુક્ત બાતમીના આધારે પોલીસ અધિક્ષક ડો. રવિ મોહન સૈનીની સૂચનાથી શહેર ડીવાયએસપી જયવીરસિંહ ઝાલાના માર્ગદર્શન હેઠળ પીઆઇ એમ. બી. ડાભી, પીએસઆઇ વી. એ. પરમાર, એએસઆઇ યશપાલસિંહ જાડેજા, સુખદેવસિંહ જાડેજા, રાજેશભાઇ બથવાર, હે.કો. હર્ષદભાઇ પરમાર, શિવભદ્રસિંહ જાડેજા, નારણભાઇ સદાદિયા, યુવરાજસિંહ જાડેજા, પો. કો. વનરાજભાઇ ખવડ, મયૂરસિંહ જાડેજા, મહાવીરસિંહ જાડેજા, પ્રવીણભાઇ પરમાર સહિતના સ્ટાફે રેઇડ દરમ્યાન બિપીન ઉર્ફે લાકડી કારા મુછડિયા નામના શખ્સને રૂા. 49 હજારની કિંમતની 98 બોટલ ઇંગ્લીશ દારૂ સાથે ઝડપી લઇ પૂછપરછ હાથ ધરતાં દારૂના જથ્થામાં વિમલ ઉર્ફે ડોડારો તુલસી પમનાણીની સંડોવણી ખુલતાં પોલીસે બે શખ્સો વિરૂદ્ધ ગુનો નોંધી વિમલની શોધખોળ માટે ચક્રો ગતિમાન કર્યા હતા.
બીજો દરોડો જામનગરના પવનચકકી વિસ્તારમાંથી પસાર થતાં રોહિત ડાયા રાઠોડ નામના મજૂરીકામ કરતાં શખ્સને સિટી ‘એ’ ડિવિઝન પોલીસે આંતરીને તલાશી લેતાં તેના કબ્જામાંથી રૂા. 500ની કિંમતની દારૂની બોટલ મળી આવતા ધરપકડ કરી હતી. તેમજ અન્ય દરોડો જામનગરમાં હર્ષદ મીલની ચાલી પાસેથી પસાર થતાં નરેશ વજુ વરાડિયા નામના શખ્સને આંતરીને તલાશી લેતા તેના કબ્જામાંથી રૂા. 100ની કિંમતનું ઇંગ્લીશ દારૂનું ચપટું મળી આવતાં અટકાયત કરી હતી.
