જામનગર એલસીબી પોલીસે સોયેલ ગામના ટોલનાકા પાસે બે મોટરકારમાંથી બે શખ્સોને ઇંગ્લીશ દારૂના જથ્થા સાથે ઝડપી લઇ દારૂની બોટલો, મોબાઇલ ફોન તથા મોટરકાર સહિત કુલ રૂા.12,80,724 નો મુદામાલ કબ્જે કર્યો હતો. અને સપ્લાયર તથા દારૂનો જથ્થો મંગાવનારના નામ ખુલતા તેની શોધખોળ હાથ ધરી હતી.
દારૂના દરોડાની વિગત મુજબ જામનગર જિલ્લાના સોયેલ ગામના ટોલ નાકા પાસેથી બે શખ્સો મોટરકારમાં દારૂના જથ્થા સાથે પસાર થતાં હોવાની જામનગર એલસીબીના દિલીપભાઇ તલાવડીયા, હિતેન્દ્રસિંહ જાડેજા, કાસમભાઇ બ્લોચ તથા રૂષિરાજસિંહ વાળાને મળેલ બાતમીને આધારે જામનગર જિલ્લા પોલીસ વડા પ્રેમસુખ ડેલુની સુચના અને એલસીબીના પીઆઇ વી.એમ. લગારીયાના માર્ગદર્શન મુજબ એલસીબીના પીએસઆઇ પી.એન. મોરી તથા સી.એમ. કાટલીયા, તથા સ્ટાફના હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલાવાડિયા, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, કિશોરભાઈ પરમાર, ઋષિરાજસિંહ વાળા, મયુરસિંહ પરમાર, ભરતભાઇ ડાંગર, ઘનશ્યામભાઇ ડેરવાડિયા, સુમિતભાઇ શિયાર, સુરેશભાઇ માલકિયા, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે વોચ ગોઠવી જીજે37-જે-9510 નંબરની બલેનો કાર તથા જીજે7-બીએન-1420 નંબરની મહેન્દ્રા કવાન્ટો મોટરકારમાંથી કમલેશ મેરામણ નંદાણીયા તથા નિલેશ વેજસી કનારા નામના બે શખ્સોને દારૂના જથ્થા સાથે ઝડપી લીધા હતાં.
આ રેઇડ દરમિયાન એલસીબી પોલીસે રૂા.2,53,324ની કિંમતની 292 નંગ ઇંગ્લીશ દારૂની બોટલો, રૂા.2400ની કિંમતના 24 નંગ બીયરના ટીન, રૂા.25 હજારની કિંમતના 3 નંગ મોબાઇલ ફોન તથા રૂા.10 લાખની કિંમતની બે મોટરકાર સહિત કુલ રૂા.12,80,724ની કિંમતનો મુદામાલ કબ્જે કર્યો હતો. તેમજ આરોપીની પુછપરછ દરમિયાન દારૂનો જથ્થો પુરો પાડનાર તરીકે રાજસ્થાનના જોધપુરના જય જતા વાયનસોફ તથા જથ્થો મંગાવનાર તરીકે ભાણવડ તાલુકાના વિજય બગડાનું નામ ખુલતા પોલીસ દ્વારા વધુ તપાસ હાથ ધરી હતી.
