જામનગર શહેરમાં સત્યમ્ કોલોની રોડ અન્ડર બ્રીજ પાસે એક રહેણાંક મકાનમાંથી એલસીબી પોલીસે એક શખ્સને 126 નંગ દારૂની બોટલ સાથે ઝડપી લઇ મોબાઇલ ફોન સહિત કુલ રૂા. 1,39,162નો મુદામાલ કબ્જે કર્યો હતો.
દરોડાની વિગત મુજબ જામનગર શહેરમાં સત્યમ્ કોલોની રોડ અન્ડર બ્રીજ પાસે પરિવાર એપાર્ટમેન્ટની સામે રહેતાં રામભાઇ રાજાભાઇ મદ્રાસીના રહેણાંક મકાનમાં દારૂનો જથ્થો પડયો હોવાની બાતમી એલસીબીના ઘનશ્યામભાઇ ડેરવાડિયા, અરજણભાઇ કોડિયાત્તર તથા મયુદીનભાઇ સૈયદને મળેલ. આ બાતમીના આધારે જિલ્લા પોલીસવડા પ્રેમસુખ ડેલુની સૂચનાથી અને એલસીબીના પીઆઇ વી. એમ. લગારિયાના માર્ગદર્શન એલસીબીના પીએસઆઇ સી. એમ. કાંટેલિયા, પી.એન. મોરી તથા સ્ટાફના હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલાવાડિયા, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, કિશોરભાઈ પરમાર, ઋષિરાજસિંહ વાળા, મયુરસિંહ પરમાર, ભરતભાઇ ડાંગર, ઘનશ્યામભાઇ ડેરવાડિયા, સુમિતભાઇ શિયાર, સુરેશભાઇ માલકિયા, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે રેઇડ દરમ્યાન રૂા. 99,162ની કિંમતની 126 નંગ દારૂની બોટલ તથા રૂા. 40 હજારની કિંમતનો એક મોબાઇલ ફોન સહિત કુલ રૂપિયા 1,39,162ના મુદામાલ સાથે રામભાઇ રાજાભાઇ મદ્રાસીને ઝડપી લીધો હતો. આરોપીની પૂછપરછ દરમ્યાન દારૂનો જથ્થો કચ્છ, અંજારના કરણ માંજુસા પાસેથી લીધો હોવાની કેફિયત આપતા પોલીસે તેની શોધખોળ હાથ ધરી હતી.
