જામનગરમાં ખેતીવાડી વિસ્તારના ભીલવાસ નજીકના સ્મશાનની પાછળની શેરીમાંથી એલસીબીની ટીમએ બાતમીના આધારે એકટીવા ચાલકને ઝડપી લઇ 67 નંગ ચપટા કબજે કર્યા હતા. બીજો દરોડો અંધાશ્રમ આવાસ કોલનીમાં રહેતા શખ્સના મકાનમાંથી પોલીસે 36 બોટલ દારૂ સાથે શખ્સને ઝડપી લીધો હતો.
દરોડાની વિગત મુજબ પ્રથમ દરોડો જામનગર શહેરના ખેતીવાડી, ભીલવાસ પાસેના સ્મશાન પાછળ આવેલી શેરીમાંથી દારૂના જથ્થા સાથે શખ્સ પસાર થવાની દિલીપભાઇ તલાવડિયા, હિતેન્દ્રસિંહ જાડેજા, મયૂરસિંહ પરમારને મળેલી બાતમીના આધારે એલસીબીની ટીમએ વોચ ગોઠવી હતી. દરમ્યાન બાતમી મુજબનો શખ્સ એક્ટિવા સાથે પસાર થતાં પોલીસે એક્ટિવાને આંતરીને તલાશી લેતાં તેમાંથી રૂા. 6700ની કિંમતના 67 નંગ ચપલા મળી આવતા એલસીબીએ ગૌતમ ઉર્ફે ભૂરો મંગા સુરડિયા નામના શખ્સને દારૂના ચપલા અને પાંચ હજારની કિંમતનો મોબાઇલ ફોન તથા પાંત્રીસ હજારની કિંમતનું એકિટવા મળી કુલ રૂપિયા 46,700ના મુદામાલ સાથે ઝડપી લીધો હતો.
બીજો દરોડો જામનગરમાં અંધાશ્રમ આવાસ કોલોનીમાં રહેણાંક મકાનમાં દારૂનો જથ્થો હોવાની કાસમભાઇ બ્લોચ, હિતેન્દ્રસિંહ જાડેજા, ઋષિરાજસિંહ વાળાને મળેલી બાતમીના આધારે પીઆઈ વી.એમ. લગારીયા, પીએસઆઇ સી. એમ. કાંટેલિયા, પી.એન. મોરી તથા સ્ટાફના હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલાવાડિયા, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, કિશોરભાઈ પરમાર, ઋષિરાજસિંહ વાળા, મયુરસિંહ પરમાર, ભરતભાઇ ડાંગર, ઘનશ્યામભાઇ ડેરવાડિયા, સુમિતભાઇ શિયાર, સુરેશભાઇ માલકિયા, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે રેઇડ દરમ્યાન અંધાશ્રમ આવાસના બ્લોક નં. 17, રૂમ નંબર 12માં રહેતા દિલીપ મંગા સુરડિયા નામના શખ્સને રૂા. 19,800ની 36 બોટલ દારૂ અને રૂપિયા પાંચ હજારની કિંમતનો મોબાઇલ મળી કુલ રૂા. 24,800ના મુદામાલ સાથે ઝડપી લઇ પૂછપરછ હાથ ધરતાં મકાનમાલિક વિજય યાદવ અને દારૂ સપ્લાય કરનાર ગૌતમ ફફલની સંડોવણી ખુલતા એલસીબીએ ચાર શખ્સો વિરૂઘ્ધ ગુનો નોંધી કાર્યવાહી હાથ ધરી હતી.
