જામનગર એસીબી પોલીસે રાજકોટ રેલવે પોલીસના હેડ કોન્સ્ટેબલને રૂા.10,000 ની લાંચ લેતા રંગે હાથ ઝડપી લઇ કાયદેસરની કાર્યવાહી હાથ ધરી હતી.
આ અંગેની વિગત મુજબ, ફરિયાદીના ભાઇને રાજકોટ રેલવે પોલીસના હેડ કોન્સ્ટેબલએ ત્રણેક માસ અગાઉ મોબાઇલ ચોરીા કેસમાં ઝડપી લીધો હતો. તે સમયે હેડ કોન્સ્ટેબલ વેલા ડાયા મુંધવા દ્વારા ફરિયાદીને તેના ભાઈને હેરાનગતિ નહીં કરવા માટે ચાર્જશીટ સાથે રજૂ કરતી વખતે રૂા.10000 લાંચ લઇને આવવા જણાવ્યું હતું જે લાંચની રકમ ફરિયાદી આપવા માંગતા ન હોય, જામનગર એસીબીનો સંપર્ક કર્યો હતો. જેથી રાજકોટ એસીબીના ઈન્ચાર્જ મદદનીશ નિયામક કે.એચ. ગોહિલના સુપરવીઝન હેઠળ જામનગર એસીબી પીઆઈ આર.એન. વિરાણી સહિતના સ્ટાફ દ્વારા તા.20 જાન્યુરીના રોજ રાજકોટ રેલવે સ્ટેશન કમ્પાઉન્ડમાં તત્કાલ રેલવે ટિકિટ કાઉન્ટર બહાર છટકુ ગોઠવી આરોપી હેકો વેલા ડાયા મુંધવાને ફરિયાદી પાસેથી રૂા.10000 ની લાંચ લેતા રંગે હાથ ઝડપી લીધો હતો અને વધુ તપાસ હાથ ધરી હતી.
