અંધાશ્રમ પાછળથી બે મહિલા સહિત પાંચ શખ્સો તીનપતિનો જૂગાર રમતા ઝડપાયા

જામનગર શહેરમાં અંધાશ્રમ પાછળ શેરી નંબર-1માંથી સિટી સી પોલીસે બે મહિલા સહિત પાંચ શખ્સોને તીનપતિનો જૂગાર રમતા ઝડપી લઇ રોકડ રકમ સહિત કુલ રૂા.22150 નો મુદ્દામાલ કબ્જે કર્યો હતો.

જૂગાર દરોડાની વિગત મુજબ, જામનગર શહેરના અંધાશ્રમ પાછળ શેરી નંબર-1 માં જાહેરમાં જૂગાર રમાતો હોવાની બાતમીના આધારે સિટી એ પોલીસે રેઈડ દરમિયાન સંજય જેન્તી ગોસ્વામી, મનસુખ રામજી પરેશા, કાના માંડણ પરમાર તથા બે મહિલા સહિત પાંચ શખ્સોને તિનપતિનો જૂગાર રમતા ઝડપી લઇ રૂા.22,150 ની રોકડ રકમ સહિતનો મુદ્દામાલ કબ્જે કર્યો હતો અને જૂગારધારા હેઠળ ગુનો નોંધી કાયદેસરની કાર્યવાહી હાથ ધરી હતી.