જામનગર તાલુકાના ચેલા ગામ-2 પાસેથી એલસીબી પોલીસે ત્રણ શખ્સોને રૂા.25000 ની કિંમતના 50 કિલો કોપરના વાયરના ચોરાઉ મુદ્દામાલ સાથે ઝડપી લઇ કાયદેસરની કાર્યવાહી હાથ ધરી હતી.
આ અંગેની વિગત મુજબ, જામનગર તાલુકાના ચેલા ગામ-2 પાણીના ટાંકા પાસે ત્રણ શખ્સો બીલ-આધાર વગરના કોપરના વાયર સાથે હોવાની એલસીબીના દિલીપભાઈ તલવાડિયા, હિતેન્દ્રસિંહ જાડેજા તથા કાસમભાઈ બ્લોચને મળેલી બાતમીના આધારે જિલ્લા પોલીસવડા પ્રેમસુખ ડેલુની સુચના અને એલસીબીના પીઆઈ બી એન ચૌધરીના માર્ગદર્શન મુજબ પીએસઆઇ આર.કે. કરમટા, પી.એન. મોરી તથા સ્ટાફના સંજયસિંહ વાળા, હરપાલસિંહ સોઢા, ભરતભાઈ પટેલ, નાનજીભાઈ પટેલ, દિલીપભાઈ તલવાડિયા, હરદીપભાઈ ઘાઘલ, વનરાજભાઈ મકવાણા, ધાનાભાઈ મોરી, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, નિર્મળસિંહ જાડેજા, કિશોરભાઈ પરમાર, હરદીપભાઇ બારડ, ઋષિરાજસિંહ વાળા, મયુરસિંહ પરમાર, કલ્પેશભાઈ મૈયડ, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા સહિતના સ્ટાફ દ્વારા રેઈડ દરમિયાન નવઘણ હિરા ચારોલીયા, જીવરાજ હિરા ચારોલીયા તથા વિશાલ મનસુખ જખાણીયા નામના ત્રણ શખ્સોને ઝડપી લઇ તેમના કબ્જામાંથી રૂા.25000 ની કિંમતનો 50 કિલો કોપરના જીણાતારનો ઘુચરો (વાયર) સહિતનો મુદ્દામાલ કબ્જે કર્યો હતો.
