જામનગર તાલુકાના નાઘેડી ગામના પાટીયા પાસેથી 15 બોટલ દારૂ સાથે બે શખ્સોને ઝડપી લઈ કાર્યવાહી હાથ ધરી હતી. જામનગર શહેરમાં ભીમવાસ વિસ્તારમાં રહેતાં શખ્સના મકાનમાંથી એલસીબીની ટીમે રેઈડ દરમિયાન 24 નંગ ઈંગ્લીશ દારૂની બોટલો સાથે ઝડપી લીધો હતો.
દારૂના દરોડાની વિગત મુજબ, પ્રથમ દરોડો એલસીબીના ક્રિપાલસિંહ જાડેજા, કલ્પેશ મૈયડ, ધર્મેન્દ્રસિંહ જાડેજાને મળેલી બાતમીના આધારે એલસીબીની ટીમે જામનગર તાલુકાના નાઘેડી ગામના પાટીયા પાસે વોચ ગોઠવી હતી. પીઆઈ જે.વી. ચૌધરી, પીએસઆઇ આર.કે. કરમટા, એસ.પી. ગોહિલ, પી.એન. મોરી તથા સ્ટાફના સંજયસિંહ વાળા, હરપાલસિંહ સોઢા, ભરતભાઈ પટેલ, નાનજીભાઈ પટેલ, દિલીપભાઈ તલવાડિયા, હરદીપભાઈ ઘાઘલ, વનરાજભાઈ મકવાણા, ધાનાભાઈ મોરી, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, નિર્મળસિંહ જાડેજા, કિશોરભાઈ પરમાર, હરદીપભાઇ બારડ, ઋષિરાજસિંહ વાળા, મયુરસિંહ પરમાર, કલ્પેશભાઈ મૈયડ, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા સહિતના સ્ટાફે વોચ ગોઠવી હતી. તે દરમિયાન જીજે-10-આર-7339 નંબરની બાઈક પસાર થતા એલીસબીની ટીમે બાઇકને આંતરીને મજબુતસિંહ જશુભા જાડેજા, પૃથ્વીરાજસિંહ સહદેવસિંહ રાઠોડ નામના બંને શખ્સોની તલાસી લેતા તેમની પાસેથી રૂા.6000 ની કિંમતની દારૂની 15 બોટલ મળી આવતા એલસીબીની ટીમે 6000 ની કિંમતની દારૂની બોટલ રૂા.10000 ની કિંમતના બે મોબાઇલ ફોન અને રૂા.30000 ની કિંમતના બાઈક સહિત કુલ રૂા.46000 નો મુદ્દામાલ કબ્જે કરી પૂછપરછ હાથ ધરતા આ દારૂનો જથ્થો સુરેન્દ્રનગર જિલ્લાના લીંબડી ગામના શકિતસિંહ રાણાએ સપ્લાય કર્યો હોવાની કેફિયત આપતા એલસીબીની ટીમે ગુનો નોંધી સપ્લાયરની શોધખોળ આરંભી હતી.
બીજો દરોડો જામનગર શહેરના ભીમવાસમાં રહેતાં શખસના મકાનમાં દારૂનો જથ્થો હોવાની એલસીબીના અરજણ કોડીયાતર, ધર્મેન્દ્રસિંહ જાડેજા, કલ્પેશ મૈયડને મળેલી બાતમીના આધારે રેઈડ દરમિયાન સુનિલ ઉર્ફે ધમો વિપુલ ધવલના મકાનમાંથી તલાસી લેતા તેમાંથી રૂા.4800 ની કિંમતની 24 બોટલ દારૂ મળી આવતા સુનિલની ધરપકડ કરી પૂછપરછ હાથ ધરતા દારૂના જથ્થો રવિ પુશ નામના જામનગરના શખ્સે સપ્લાય કર્યો હોવાની કેફિયત આપી હતી.
