પાંચ રાજ્યોમાં યોજાયેલી વિધાનસભાની ચૂંટણી પૈકી ચાર રાજ્યોના ચૂંટણીના પરિણામો ગઇકાલે રવિવારે જાહેર થયા હતાં. જેમાં ત્રણ રાજ્યોમાં ભાજપનો વિજય વાવટો ફરકતાં જામનગર શહેર-જિલ્લા ભાજપ દ્વારા આ ભવ્ય વિજયની ઉજવણી કરવામાં આવી હતી.
પંડિત દીનદયાળ ઉપાધ્યાય અને શ્યામાપ્રસાદ મુખરજી ના રાષ્ટ્રવાદી વિચારોના સિંચન થી ઊભી થયેલ ભારતીય જનતા પાર્ટી વિશ્વ ની સહુથી મોટી પાર્ટી બની છે. નરેન્દ્રભાઇ મોદીનીના સક્ષમ નેતૃત્વમાં ભારત વિશ્વ સ્તરે અગ્રેસર બન્યું છે, ત્યારે રાજસ્થાન, છતિસગઢ, મધ્યપ્રદેશ માં પૂર્ણ બહુમત મેળવેલ છે. અને સરકાર રચવા જઈ રહ્યું છે.
ભારતીય જનતા પાર્ટી નો પ્રત્યેક કાર્યકર્તા સતત 5 વર્ષ પ્રજા સમકક્ષ રહે છે, દરેક નેતા સતત લોકસંપર્ક માં રહે છે. પ્રજા હિત ની કામગીરી કરે છે. ભારતીય જનતા પાર્ટી ની રાજ્ય સરકાર હોય કે કેન્દ્ર સરકાર, “રાષ્ટ્ર પ્રથમ” માં વિચાર ને કેન્દ્ર માં રાખી નીતિ ઘડતર કરે છે. ભારતીય જનતા પાર્ટી કાર્યકર્તાઓ ની તાકાતથી વિશ્વ ની સહુથી મોટી રાજકીય પાર્ટી બની છે. અને કાર્યકર્તા ની જ તાકાત છે, જેના ફળસ્વરૂપ ભારતીય જનતા પાર્ટી સફળતાના શિખરાસર કરી રહ્યું છે. આગામી લોકસભા ચૂંટણી માં ગુજરાતની તમામ 26 લોકસભા સીટ ઉપર ભારતીય જનતા પાર્ટી 5 લાખથી વધુ લીડ થી બહુમત પ્રાપ્ત કરસે, તથા ભારત ભરમાં ઐતિહાસિક બહુમતી મેળવશે સ્પષ્ટ થયું છે.
ભારતીય જનતા પાર્ટી ની 3 રાજ્યમાં જીતથી ભારત ભરનાં કાર્યકર્તાઓમાં ખૂબ ઉત્સાહનો માહોલ છે, અને આ અન્વયે જામનગર શહેર ભાજપ દ્વારા વિજય ઉત્સવ ઉજવી એક બીજાના મો મીઠા કરાવ્યા હતાં. તેમજ મહિલા કાર્યકરો ગરબે રમી વિજયોત્સવ મનાવ્યો હતો.
ભારતીય જનતા પાર્ટી શહેર અધ્યક્ષ ડો વિમલભાઈ કગથરા, મહામંત્રી પ્રકાશભાઈ બાંભણિયા, વિજયસિંહ જેઠવા, મેરામણભાઇ ભાટું, ધારાસભ્ય દિવ્યેશ અકબરી, ડે મેયર ક્રિષ્નાબેન સોઢા, સાસકપક્ષ નેતા આશિષભાઈ જોશી, સ્ટે. કમિટી ચેરમેન નિલેશ કગથરા, દંડક કેતન નાખવા, શિક્ષણ સમિતિ ચેરમેન મનીષ કનખરા, પૂર્વ મંત્રી વસુબેન ત્રિવેદી, પૂર્વ ધારાસભ્ય લાલજીભાઈ સોલંકી, મનહરભાઈ ઝાલા, પૂર્વ અધ્યક્ષ હસમુખ હિંડોચા, હિતેન ભટ્ટ, અશોક નંદા, મુકેશ દાસાણી, સહિત કોર્પોરેટરો, શિક્ષણ સમિતિના સભ્યો, પ્રભારીઓ, વોર્ડ સમિતિના કાર્યકર્તાઓ સહિત વિશાળ સંખ્યામાં કાર્યકર્તાઓ સમર્થકો ઉપસ્થિત રહ્યી, વિજય ઉત્સવની ઉજવણી કરેલ. ભારતીય જનતા પાર્ટી મીડિયા વિભાગના ભાર્ગવ ઠાકર, લક્ષમણ ગઢવી તથા દિપાબેન સોનીની યાદીમાં જણાવે છે.
આ ઉપરાંત જામનગર જિલ્લા ભાજપ કાર્યાલય ખાતે પણ ત્રણ રાજ્યોમાં ભાજપના વિજયની ઉજવણી કરવામાં આવી હતી. જિલ્લા ભાજપ પ્રમુખ રમેશભાઇ મુંગરા, જિલ્લા ભાજપ મહામંત્રી પ્રવિણસિંહ જાડેજા, દિલીપભાઇ ભોજાણી સહિતના હોદ્ેદારો, અગ્રણીઓ ઉપસ્થિત ભાજપના વિજયને વધાવ્યો હતો.
