અંજાર (કચ્છ) માં થયેલ જીરૂની લૂંટના કેસમાં જામનગર એસઓજી પોલીસે બે શખ્સોને 539 નંગ જીરૂના બાંચકા તથા સ્કોર્પિયો ગાડી સહિત કુલ રૂા.73,01,655 ના મુદ્દામાલ સાથે ઝડપી લીધા હતાં.
આ અંગેની વિગત મુજબ, ગાંધીધામ જિલ્લાના અંજાર પોલીસ સ્ટેશનમાં નોંધાયેલ જીરૂની લૂંટના કેસમાં જીરાના જથ્થા સાથે બે શખ્સો મસિતિયા ગામમાં હોવાની એસઓજીના શોભરાજસિંહ જાડેજા, રાજેશભાઈ મકવાણા અનિરૂધ્ધસિંહ ઝાલા તથા હર્ષદકુમાર ડોરીયાને મળેલ બાતમીના આધારે જિલ્લા પોલીસવડા પ્રેમસુખ ડેલુની સુચના અને એસઓજીના પીઆઈ બી.એન. ચૌધરી તથા પીએસઆઇ જે.ડી.પરમારના માર્ગદર્શન હેઠળ એસઓજી સ્ટાફ દ્વારા મસીતિયા ગામે ગફારભાઈ ખફીની વાડીએથી રેઈડ દરમિયાન આબેદિન ઓસમાણ ખફી તથા ગફાર આમદ ખફી નામના બે શખ્સોને રૂા.62,76,655 ની કિંમતના 539 નંગ જીરૂના બાચકા તથા ગુનામાં ઉપયોગમાં લેવાયેલ જીજે-10-ડીજે-2600 નંબરની સ્કોપિર્યો ગાડી તથા અન્ય મુદ્દામાલ મળી કુલ રૂા.73,01,655 ના મુદ્દામાલ સાથે ઝડપી લીધા હતાં. એસઓજી દ્વારા આરોપીઓને હસ્તગત કરી વધુ કાર્યવાહી માટે પંચ બી પોલીસને સોંપી આપ્યા હતાં.
