જામનગર શહેરમાં મહાકાલી સર્કલથી બેડી તરફ જતા રીંગરોડ થી પસાર થતા વાસ્પા રીક્ષા ચાલકને આંતરીને તલાસી લેતા શખ્સના કબ્જામાંથી 64 બોટલ દારૂ મળી આવતા પોલીસે ધરપકડ કરી હતી. જામનગરના માધવબાગ 1 દ્વારકેશ સોસાયટીમાંથી બે શખ્સને 35 બોટલ દારૂ સાથે ઝડપી લીધા હતાં.
દારૂ અંગેના દરોડાની વિગત મુજબ પ્રથમ દરોડો, જામનગર શહેરમાં મહાકાલી સર્કલથી બેડી તરફ જતા રીંગ રોડ પરથી પસાર થતા વાસ્પા રીક્ષાને એલસીબીની ટીમે મળેલી બાતમીના આધારે આંતરીને તલાસી લેતા રીક્ષામાંથી રૂા.25,600 ની કિંમતની 64 બોટલ દારૂ મળી આવતા એલસીબી ટીમી વિજય દિપક પરમાર નામના શખ્સને ઝડપી લઇ તેની પાસેથી રૂા.50 હજારની રીક્ષા દારૂનો જથ્થો અને મોબાઇલ ફોન સહિત કુલ રૂા.80,600 નો મુદ્દામાલ કબ્જે કરી પૂછપરછ હાથ ધરતા આ દારૂના જથ્થો બિપીન ઉર્ફે લાકડી કારા મુછડિયા નામના શખ્સે સપ્લાય કર્યો હોવાનું ખુલતા પોલીસે ગુનો નોંધી ધરપકડ કરી વધુ તપાસ હાથ ધરી હતી.
બીજો દરોડો, જામનગર શહેરમાં સાંઢીયા પુલ પાસે આવેલા માધવબાગ એક દ્વારકેશ સોસાયટીમાં રહેતાં હાર્દિક ઉર્ફે ઇડીગીડી જયેશ ચુડાસમા, ધવલ દિપક જાદવ નામના બે શખ્સોને આંતરીને તલાસી લેતા તેના કબ્જામાંથી રૂા.14,000 ની કિંમતની ઈંગ્લીશ દારૂની 35 બોટલો મળી આવતા એલસીબીની ટીમે દારૂનો જથ્થો કબ્જે કરી બંને શખ્સોને સિટી સી પોલીસ સ્ટેશનને સોંપી આગળની કાર્યવાહી હાથ ધરી હતી.
