તાઈવાનની રાજધાની તાઈપેઈ બુધવારે જોરદાર ભૂકંપના આંચકાથી હચમચી ઉઠ્યું હતું. ભૂકંપની તીવ્રતા રિક્ટર સ્કેલ પર 7.5 હતી. ભૂકંપના કારણે મોટાપાયે વિનાશ થયો છે. જેના કારણે વીજ પુરવઠો ખોરવાયો છે. સમગ્ર દેશમાં ટ્રેન સેવાઓ સ્થગિત કરી દેવામાં આવી છે. આ ભૂકંપ એટલો શક્તિશાળી હતો કે તેના પછી જાપાનના બે ટાપુઓ પર સુનામી આવી હતી.
તાઈવાનમાં ભૂકંપના કારણે અત્યાર સુધીમાં એક વ્યક્તિના મોતના અહેવાલ છે, જ્યારે પચાસથી વધુ લોકો ઘાયલ હોવાનું કહેવાય છે. કહેવામાં આવી રહ્યું છે કે આ આંકડો હજુ પણ વધી શકે છે. હજારો લોકો લાપત્તા છે. તાઈવાનના હુઆલીનથી ભૂકંપની ઘણી તસવીરો અને વીડિયો સામે આવ્યા છે, જેમાં ઈમારતો ધરાશાયી થતી જોઈ શકાય છે. ઘણા મકાનો અને ઇમારતો પત્તાના મહેલની જેમ ધ્વસ્ત થઇ ગયા હતા. તાઈવાનમાં ભૂકંપના કારણે મોટાપાયે વિનાશ થયો છે. આ પછી દેશભરમાં ટ્રેન સેવાઓ સ્થગિત કરી દેવામાં આવી છે. આ ભૂકંપની એક તસવીર સોશિયલ મીડિયા પર ઝડપથી વાયરલ થઈ રહી છે, જેમાં પાંચ માળની ઈમારત નમેલી થઈ ગઈ છે.
તાઇવાન જોરદાર ભૂકંપથી હચમચી ગયું છે. અનેક લોકો ઈમારતોમાં ફસાયા હોવાની આશંકા છે. ભૂકંપના કારણે અનેક શહેરોમાં વીજળીનો પુરવઠો ખોરવાઈ ગયો હતો. તાઈવાન, જાપાન અને ફિલિપાઈન્સમાં સુનામીની ચેતવણી જારી કરવામાં આવી છે. જો કે ભૂકંપમાં હજુ સુધી કોઈ જાનહાનિના સમાચાર નથી. તાઈવાનમાં શાળાઓ અને સરકારી કચેરીઓને વર્ગો બંધ કરીને કામ કરવાનો વિકલ્પ આપવામાં આવ્યો છે. ભૂકંપના કારણે અનેક ઐતિહાસિક ધરોહરોને પણ નુકસાન થયું છે. અહેવાલો અનુસાર, બીજા વિશ્ર્વ યુદ્ધ પહેલા બનેલી એક શાળાને પણ નુકસાન થયું છે.
જાપાનની સૌથી મોટી એરલાઈન્સ જાપાન એરલાઈન્સે ઓકિનાવા અને કાગોશિમા વિસ્તારોમાંથી તમામ ફ્લાઈટ સેવાઓ સ્થગિત કરી દીધી છે. આ સાથે સુનામીની સંભાવનાવાળા વિસ્તારો તરફ જતી ફ્લાઈટ સેવાઓને ડાયવર્ટ કરવામાં આવી છે. ઓકિનાવાના નાહા એરપોર્ટના પ્રવક્તાએ જણાવ્યું હતું કે તમામ ફ્લાઇટ્સ ડાયવર્ટ કરવામાં આવી છે. તાઈવાનમાં આ પ્રચંડ ભૂકંપથી પ્રભાવિત વિસ્તારોમાં સેના તૈનાત કરવામાં આવશે. ઈમારતોમાં લોકો ફસાયા હોવાની આશંકા છે.
તાઈવાનની રાજધાની તાઈપેઈના સેન્ટ્રલ વેધર એડમિનિસ્ટ્રેશનના સિસ્મોલોજી સેન્ટરના ડાયરેક્ટર વુ ચીએન ફુએ જણાવ્યું હતું કે આ ભૂકંપના આંચકા સમગ્ર દેશમાં અને આસપાસના ટાપુઓ પર અનુભવાયા હતા. 1999 પછી દેશમાં આવેલો આ સૌથી શક્તિશાળી ભૂકંપ હતો. તેમણે કહ્યું કે આગામી થોડા દિવસોમાં વધુ ભૂકંપ આવવાની સંભાવના છે.
તાઈવાનમાં આવેલા આ ભૂકંપને 25 વર્ષમાં સૌથી ભયાનક ભૂકંપ ગણાવવામાં આવી રહ્યો છે. અહેવાલો અનુસાર, તાઈવાનમાં આવેલો આ ભૂકંપ એટલો શક્તિશાળી હતો કે તેના આંચકા ચીનના શાંઘાઈ સુધી અનુભવાયા હતા. ચીની મીડિયાનું કહેવું છે કે ચીનના ફુઝોઉ, ઝિયામેન, ઝુઆનઝોઉ અને નિંગડેમાં પણ ભૂકંપના આંચકા અનુભવાયા હતા. તાઈવાનમાં ભૂકંપ આવ્યાના લગભગ 15 મિનિટ બાદ જાપાનના યોનાગુઈ દ્વીપ પર લગભગ એક ફૂટ ઉંચી સુનામીની લહેર જોવા મળી હતી. જાપાનમાં સુનામીનું એલર્ટ જારી કરવામાં આવ્યું છે. જાપાનનું કહેવું છે કે ઓકિનાવા પ્રાંતની આસપાસના દરિયાકાંઠાના વિસ્તારો માટે સુનામીની ચેતવણી જારી કરવામાં આવી છે. આ સુનામી તરંગો ત્રણ મીટર સુધી ઊંચા હોઈ શકે છે. જાપાનના જાહેર પ્રસારણકર્તા ગઇંઊંનું કહેવું છે કે જાપાનના 1-7ની તીવ્રતાના સ્કેલ પર ભૂકંપની તીવ્રતા ‘અપર 6’ તરીકે નોંધવામાં આવી છે. અપર 6 ધરતીકંપનો અર્થ એવી સ્થિતિ છે કે જેમાં વ્યક્તિ ઊભો રહી શકતો નથી અને ક્રોલ કર્યા વિના આગળ વધી શકતો નથી.
ફિલિપાઈન્સે સુનામીની સંભાવનાને ધ્યાનમાં રાખીને ચેતવણી જાહેર કરી છે. ફિલિપાઈન્સ સિસ્મોલોજી એજન્સીએ દરિયાકાંઠાના વિસ્તારો માટે સુનામી એલર્ટ જાહેર કર્યું છે અને અહીં રહેતા લોકોને ઊંચા વિસ્તારોમાં ખસી જવા જણાવ્યું છે. તાઈવાનમાં બુધવારે આવેલા ભૂકંપને છેલ્લા 25 વર્ષમાં દેશનો સૌથી ભયાનક ભૂકંપ ગણાવવામાં આવ્યો છે. આ પહેલા 1999માં તાઈવાનના નોન્ટુ કાઉન્ટીમાં ભૂકંપ આવ્યો હતો, જેમાં 2500થી વધુ લોકોના મોત થયા હતા અને 1300થી વધુ લોકો ઘાયલ થયા હતા.
