ખંભાળિયામાંથી સાંપળ્યો અજાણ્યા પુરુષનો મૃતદેહ

ખંભાળિયા શહેરમાંથી ગઈકાલે એક અજાણ્યા આધેડનો મૃતદેહ મળી આવતા પોલીસ દ્વારા વિવિધ દિશાઓમાં તપાસ હાથ ધરવામાં આવી છે.

ખંભાળિયામાં આવેલા સલાયા ફાટક પાસેના અવાવરૂ જેવા માર્ગ પર એક પુરુષનો મૃતદેહ પડ્યો હોવા અંગેની જાણ સ્થાનિક પોલીસને કરવામાં આવતા પોલીસ સ્ટાફ આ સ્થળે દોડી ગયો હતો. આશરે 55 વર્ષ જેટલી ઉંમરના અજાણ્યા આધેડ પુરુષના મૃતદેહનો કબજો પોલીસે સંભાળી પોસ્ટમોર્ટમ સહિતની કાર્યવાહી કરી હતી. આ અંગે સ્થાનિક રહીશની નોંધ પરથી ખંભાળિયા પોલીસ મથકમાં હાલ અકસ્માત મૃત્યુ અંગેની નોંધ કરી, તપાસ આરંભવામાં આવી છે.