જામનગરમાં સમર્પણ સર્કલ નજીક તુલસીનેશ એપાર્ટમેન્ટમાં ફલેટમાં એલસીબી પોલીસે એક શખ્સને 130 નંગ નાની મોટી દારૂની બોટલો સાથે ઝડપી લઇ કુલ રૂા.54,428 નો મુદ્દામાલ કબ્જે કર્યો હતો.
દરોડાની વિગત મુજબ, જામનગર શહેરમાં સમર્પણ સર્કલ પાસે તુલસીનેશ એપાર્ટમેન્ટ ફલેટ નંબર-102 માં દારૂની બોટલોનો જથ્થો હોવાની એલસીબીના ધર્મેન્દ્રસિંહ જાડેજા, અરજણભાઈ કોડીયાતર, મયુદ્દીનભાઈ સૈયદને મળેલી બાતમીના આધારે જિલ્લા પોલીસવડા પ્રેમસુખ ડેલુની સુચના અને એલસીબીના પીઆઈ વી.એમ. લગારીયાના માર્ગદર્શન મુજબ એલસીબીના પીએસઆઇ પી.એન. મોરી, એ.કે. પટેલ તથા સ્ટાફના સંજયસિંહ વાળા, હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલવાડિયા, વનરાજભાઈ મકવાણા, ધાનાભાઈ મોરી, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, કિશોરભાઈ પરમાર, હરદીપભાઇ બારડ, ઋષિરાજસિંહ વાળા, મયુરસિંહ પરમાર, કલ્પેશભાઈ મૈયડ, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે રેઈડ દરમિયાન વિશાલ રતીલાલ જાવીયાના રહેણાંક ફલેટમાંથી રૂા.48,500 ની કિંમતની 130 નંગ અલગ અલગ બ્રાન્ડની વિદેશી દારૂની નાની મોટી બોટલો, રૂા.928 ની કિંમતના આઠ નંગ બીયરના ટીન તથા રૂા.5000 ની કિંમતનો એક મોબાઇલ ફોન સહિત કુલ રૂા.54,428 નો મુદ્દામાલ કબ્જે કરી વિશાલને ઝડપી લીધો હતો. અને સપ્લાયર તરીકે દમણના નીતિન ઉર્ફે વસીમનું નામ ખૂલતા તેની શોધખોળ આરંભી હતી.