જામનગર મહાપાલિકાને લાંબા સમય બાદ ફરી એક વખત નવા ડીએમસી મળ્યાં છે. GAS કેડરના વાય.ડી.ગોહિલને ડેપ્યુટી કમિશનર તરીકે નિમણુંક આપવામાં આવી છે. એ.કે. વસ્તાણીની બદલી થયા બાદ આ જગ્યા ખાલી હતી.રાજ્ય સરકાર દ્વારા GAS (ગુજરાત એડમિનિસ્ટ્રેવ સર્વિસ) કેડરના 110 જેટલા અધિકારીઓની બદલીઓના હુકમ કરવામાં આવ્યા છે. જે અંતર્ગત જામ્યુકોની ડીએમસીની ખાલી જગ્યા પર વાય.ડી. ગોહિલની નિમણુંક કરવામાં આવી છે. છેલ્લા ઘણા સમયથી જામનગર મહાપાલિકામાં સીટી ઇજનેર ભાવેશ જાનીને ડીએમસીનો વધારાનો ચાર્જ આપવામાં આવ્યો હતો. હવે રાજ્ય સરકાર દ્વારા આ જગ્યા પર નિયમિત નિમણુંક આપવામાં આવી છે. આ ઉપરાંત જે બદલીઓ કરવામાં આવી છે તેમાં જામનગરના ડીઆરડીએના ડાયરેકટરનો પણ સમાવેશ થાય છે. આ જગ્યા પર એસ.એમ. કાથડને નિમણુંક આપવામાં આવી છે તેઓ એન.એફ. ચૌધરીનું સ્થાન લેશે. રાજ્ય વહિવટી તંત્રમાં વહિવટી સુગમતા માટે મોટાપાયે બદલીઓ કરવામાં આવી છે.
