Thursday, February 29, 2024
Homeરાજ્યહાલારધ્રોલ ડેપો મેનેજર અને ધ્રોલ ડેપોના ડ્રાઇવરને સસ્પેન્ડ કરાતા ફફડાટ

ધ્રોલ ડેપો મેનેજર અને ધ્રોલ ડેપોના ડ્રાઇવરને સસ્પેન્ડ કરાતા ફફડાટ

- Advertisement -

જામનગર વિભાગીય નિયામક દ્વારા ધ્રોલ ડેપોની બસમાં અનેક ક્ષતિઓ હોવા છતાં દૂર ન કરાતા ડેપો મેનેજરને સસ્પેન્ડ કરવામાં આવ્યા હતાં. તેમજ ઉના-રાજકોટ રૂટની બસમાં ચેકીંગ દરમ્યાન ડ્રાઇવરની કેબીનમાંથી ઇંગ્લીશ દારૂની બે બોટલ મળી આવતા ધ્રોલ ડેપોના ડ્રાઇવરને સસ્પેન્ડ કરવાના આકરા પગલા લીધા હતાં. આ અંગેની વિગત મુજબ જામનગર વિભાગીય નિયામક દ્વારા ધ્રોલ ડેપોની બસમાં એકપણ મીટર કામ કરતા ન હતા અને સીટો ફાટેલી તથા નીચે પડી ગયેલી હતી. આવી ક્ષતિઓ હોવા છતાં ધ્રોલ ડેપો મેનેજર દ્વારા બસની આ ક્ષતિઓ દૂર કરવામાં ન આવતા નિયામક બી.સી.જાડેજા દ્વારા ધ્રોલ ડેપો મેનેજર રફીક એ. શેખને સસ્પેન્ડ કરવાનો આદેશ કરવામાં આવતા કર્મચારીગણમાં ફફડાટ ફેલાઇ ગયો હતો.

- Advertisement -

તેમજ ધ્રોલ ડેપોની ઉના-રાજકોટ રૂટની બસમાં જૂનાગઢ વિજિલન્સ ટીમ દ્વારા વેરાવળ નજીક સરપ્રાઇઝ ચેકીંગ હાથ ધરવામાં આવતા આ બસના ડ્રાઇવરની કેબીનમાંથી ઇંગ્લીશ દારૂની બે બોટલ મળી આવતા વિજીલન્સે વિધિવત પોલીસ ફરિયાદ નોંધાવી હતી. ડ્રાઇવર દ્વારા દારૂની હેર-ફેરમાં નોંધાયેલી ફરિયાદના આધારે વિભાગીય નિયામક બી.સી.જાડેજાએ ધ્રોલ ડેપોના ડ્રાઇવર સુરેશભાઇ બી. ચુડાસમા બેચ નં.1421 સામે ખાતાકીય તપાસ દરમ્યાન ફરજ પરથી સસ્પેન્ડ કરવાનો હુકમ કરવામાં આવ્યો હતો.

- Advertisement -
RELATED ARTICLES
- Advertisment -

Most Popular