વડાપ્રધાન નરેન્દ્ર મોદીએ સોમવારે સાંજે જામનગરના પ્રદર્શન મેદાન ખાતે 1448 કરોડના વિકાસ કાર્યોનું લોકાર્પણ અને ખાતમુહૂર્ત કર્યુ હતું. આ પ્રસંગે રાજ્યના પૂર્વમંત્રી અને ધારાસભ્ય ધર્મેન્દ્રસિંહ જાડેજાએ વડાપ્રધાન નરેન્દ્ર મોદીને ‘હાલારી પાઘડી’ પહેરાવી હતી. જે પાઘડી વડાપ્રધાને કાર્યક્રમના અંત સુધી પહેરી રાખી હતી. જે હાલાર માટે ગૌરવની બાબત છે.
છોટીકાશી તરીકે પ્રખ્યાત એવા જામનગર શહેરમાં સોમવારે વડાપ્રધાન નરેન્દ્ર મોદી એ જિલ્લામાં 1448 કરોડના વિકાસ કાર્યોના ખાતમુહૂર્ત અને લોકાર્પણ પ્રસંગે જામનગરમાં આવ્યાં હતાં. આ કાર્યક્રમ પહેલાં વડાપ્રધાને શાનદાર રોડ-શો યોજ્યો હતો. દિગ્જામ સર્કલથી શરૂ થયેલા રોડ-શો માં રોડની બન્ને તરફ લોકોની ભારે ભીડ ઉમટી હતી અને વડાપ્રધાનની જલક મેળવવા માટે તલપાપડ બની ગયા હતાં. શાનદાર રોડ-શો માં અનેક સ્થળોએ સાંસ્કૃતિક કાર્યક્રમો અને ગરબા યોજાયા હતાં તેમજ રોડ- શો માં મોદી ઉપર ફુલોનો વરસાદ કરવામાં આવ્યો હતો. ત્યારબાદ જાહેરસભામાં મોદીના આગમન બાદ સભામંડપમાં ‘મોદી-મોદી’ના નારા લાગ્યા હતાં. સભામંડપમાં વડાપ્રધાન નરેન્દ્ર મોદીને પુર્વ રાજ્યમંત્રી અને જામનગરના ધારાસભ્ય ધર્મેન્દ્રસિંહ જાડેજાએ ‘હાલારી પાઘડી’ પહેરાવી સન્માન કર્યુ હતું.
અગત્યની બાબત એ છે કે, વડાપ્રધાને હાલારી પાઘડી પહેર્યા બાદ આ પાઘડી કાર્યક્રમના અંત સુધી પહેરી રાખી હતી અને તેમણે ધારાસભ્ય હકુભા એ પહેરાવેલી ‘હાલારી પાઘડી’ નો વીડિયો તેના ટવિટર એકાઉન્ટર ઉપર શેર કર્યો કર્યો હતો.
