લોહાણા સમાજના સમૂહભોજનની તૈયારીનું નિરીક્ષણ કરતા જ્ઞાતિના હોદ્દેદારો

આગામી તા.10 એપ્રિલના રોજ ભગવાન શ્રી રામચન્દ્રજીના પ્રાગટય મહોત્સવની જામનગર સહિત હાલાર પંથકમાં ધામધૂમપૂર્વક ઉજવણી કરવામાં આવશે ત્યારે જામનગરમાં 10 એપ્રિલના રોજ શ્રી રામચંદ્રજી પ્રાગટય મહોત્સવ સમિતિ દ્વારા હરિદાસ જીવણદાસ લાલ (બાબુભાઇ લાલ) પરિવારના સહયોગથી સમસ્ત રઘુવંશી સમાજનું રામનવમીના પારણાં અંતર્ગત જ્ઞાતિ સમૂહભોજનનું ચિત્રકૂટ ધામ આણદાબાવા આશ્રમ લીમડાલાઈન ખાતે આયોજન કરવામાં આવ્યું છે. આ સમૂહ ભોજનને લઇ તૈયારીઓ ચાલી રહી છે.

આજરોજ લોહાણા સમાજના હોદ્ેદારો દ્વારા કામગીરીનું નિરીક્ષણ કરવામાં આવ્યું હતું. આ તકે લોહાણા સમાજના પ્રમુખ જીતુભાઈ લાલ, મંત્રી રમેશભાઈ દત્તાણી, શ્રીરામચંદ્રજી પ્રાગટય મહોત્સવ સમિતિ ના ભરતભાઈ કાનાબાર, રાજુભાઈ મારફતિયા, રાજેશભાઈ કોટેચા સહિતના હોદ્ેદારો તથા કાર્યકરો ઉપસ્થિત રહી કામગીરીનું નિરીક્ષણ કર્યુ હતું.