વર્લ્ડ હેલ્થ ઓર્ગેનાઈઝેશનના ચીફ ડોકટર ટેડ્રોસ એદનોમ ગેબ્રેયસસે કહ્યું છે કે વિશ્ર્વભરમાં વાયરસનો ફેલાવો ધીમો હોવા છતાં, કોવિડની અસર દાયકાઓ સુધી અનુભવાશે. ડબ્લ્યુએચઓ ચીફે કહ્યું કે આ રોગચાળાની અસર સૌથી વધુ સંવેદનશીલ લોકો પર જોવા મળશે અને આ રોગચાળો જેટલો લાંબો સમય ચાલશે તેટલી જ તેની અસર અનુભવાશે.
નોંધપાત્ર રીતે, કોરોના વાયરસના વિવિધ પ્રકારો બહાર આવી રહ્યા છે, જે વિશ્ર્વભરની સરકારોની મુશ્કેલીમાં વધારો કરી રહ્યા છે. ડો. ટેડ્રોસે કહ્યું, કોવિડ રોગચાળાની અસર દાયકાઓ સુધી અનુભવાશે. ખાસ કરીને લોકોના સૌથી સંવેદનશીલ જૂથોમાં વધારે જોવા મળશે. આ રોગચાળો જેટલો લાંબો સમય ચાલશે તેટલી તેની ખરાબ અસર થશે.
ડબ્લ્યુએચઓ ચીફે કહ્યું કે હાલમાં રાષ્ટ્ર મંડળ દેશોની માત્ર 42 ટકા વસ્તીએ રસીકરણનો ડબલ ડોઝ મેળવ્યો છે અને વિશ્ર્વભરના દેશોમાં રસીકરણની વ્યાપક અસમાનતા છે. વિશ્ર્વના ગરીબ દેશોમાં રસીકરણની ગતિ ઘણી ધીમી છે. જેના કારણે લોકોમાં ભય છે કે તેના કારણે રોગચાળો જતા વધુ સમય લાગી શકે છે.
ડબલ્યુએચઓના વડાએ કહ્યું, રાષ્ટ્ર મંડળના આફ્રિકન દેશોએ સરેરાશ માત્ર 23 ટકા રસીકરણ દર હાંસલ કર્યો છે. આ અંતરને દૂર કરવું એ ડબલ્યુએચઓ માટે તાત્કાલિક પ્રાથમિકતા છે. આવું કરવું માત્ર રોગચાળાને નિયંત્રણમાં રાખવા અને જીવન બચાવવા માટે જ જરૂરી નથી, પરંતુ આજીવિકાનું રક્ષણ કરવા અને રિકવરી પ્રાપ્ત કરવા માટે પણ જરૂરી છે. રસીના પ્રકારમાં પણ ફેરફાર કરવાની જરૂર છે. ડબલ્યુએચઓના વડાએ કહ્યું કે SARS-CoV-2 ના કેટલાક પ્રકારો રસીમાંથી એન્ટિબોડીઝ સાથે વ્યવહાર કરવામાં સક્ષમ છે.
કોરોના વાયરસનો સામનો કરવા માટે વિશ્વભરમાં ઝડપી રસીકરણ કરવામાં આવી રહ્યું છે. આરોગ્ય નિષ્ણાતોનું કહેવું છે કે રસીકરણ દ્વારા કોરોનાનો સામનો કરી શકાય છે. જેના કારણે વિશ્ર્વના ઘણા દેશોમાં લોકોને રસી આપવામાં આવી રહી છે. તે જ સમયે, વારંવાર સામે આવી રહેલા કોરોનાના નવા પ્રકારોનો સામનો કરવા માટે, લોકોને બૂસ્ટર ડોઝ પણ આપવામાં આવી રહ્યો છે. ભારતમાં પણ લોકોને બુસ્ટર ડોઝ આપવામાં આવી રહ્યા છે. પ્રિકોશન ડોઝના નામે આરોગ્ય કર્મચારીઓને તે આપવામાં આવી રહી છે.
