ગુજરાત સહિત 22 રાજ્યોના નેશનલ કેડેટ કોર્પ (NCC)ના આશરે 200 કેડેટ દ્વારા NCC નિદેશાલય, ગુજરાતના છત્ર હેઠળ અમદાવાદ ખાતે BSF, CISF, SSB અને અન્ય CAPF ટુકડીઓ સાથે કદમતાલ મિલાવીને કઠિન કવાયત શરૂ કરવામાં આવી છે. 10 દિવસની સંકલિત તાલીમ પછી, અમદાવાદના કેડેટ્સ 31 ઓક્ટોબર 2026ના રોજ ગુજરાતના કેવડિયા ખાતે રાષ્ટ્રીય એકતા દિવસની ઉજવણીમાં ભાગ લેશે.
કેડેટ્સના ઉત્સાહપૂર્ણ જુસ્સા અને સમર્પણ સાથે, SNICનું સમાપન એક સાંસ્કૃતિક મિશ્રણ રહેશે જેમાં વિવિધ રાજ્યોના કેડેટ્સ ભારતની સમૃદ્ધ સાંસ્કૃતિક વિવિધતા, પરંપરાઓ અને વારસાનો અનુભવ કરશે, સાથે સાથે મિત્રતા, પારસ્પરિક સમજણ અને રાષ્ટ્રીય એકતાની મજબૂત ભાવનાને પ્રોત્સાહન આપશે.
જેમની દૂરંદેશી અને અડગ નિશ્ચયે દેશના રાજકીય એકીકરણમાં મહત્વપૂર્ણ ભૂમિકા ભજવી હતી એવા ભારતના લોખંડી પુરુષ સરદાર વલ્લભભાઈ પટેલની જન્મજયંતિની ઉજવણીના ઉપલક્ષ્યમાં કેવડિયા ખાતે પ્રતિષ્ઠિત સ્ટેચ્યુ ઓફ યુનિટીની પૃષ્ઠભૂમિમાં રાષ્ટ્રીય એકતા દિવસ ઉજવવામાં આવશે.
SNIC અને રાષ્ટ્રીય એકતા દિવસ દ્વારા, ગઈઈ “રાષ્ટ્ર પ્રથમ” એક ભાવના દ્વારા યુવાનોના ઉછેરની તેમની પ્રતિબદ્ધતાની ફરી પુષ્ટિ કરે છે.
