ધ્રોલ ગામમાં મેમણચોક વિસ્તારમાં જાહેરમાં ક્રિકેટમેચના પ્રસારણ ઉપર જુગાર રમાડતા શખ્સને રૂા. 15 હજારના મુદામાલ સાથે ઝડપી લઇ પોલીસે આગળની કાર્યવાહી હાથ ધરી હતી.
- Advertisement -
ક્રિકેટના સટ્ટાના દરોડાની વિગત મુજબ ધ્રોલ ગામમાં આવેલા મેમણચોકમાં જાહેરમાં મોબાઇલ ફોનમાં આઇડી વડે ભારત અને ઇંગ્લેન્ડ વચ્ચે રમાઇ રહેલા ત્રીજા વન-ડે મેચના જીવંત પ્રસારણ ઉપર રનફેરનો જુગાર રમાડતો હોવાની બાતમીના આધારે ધ્રોલ પોલીસે રેઇડ દરમ્યાન ઇમરાન સલીમ દેદરાણી (ઉ.વ.38) નામના શખ્સને ઝડપી લઇ તેની પાસેથી રૂા. 5 હજારની રોકડ અને મોબાઇલ ફોન મળી કુલ રૂા. 15 હજારના મોબાઇલ સાથે ઝડપી લઇ પૂછપરછ હાથ ધરતાં આ જુગારમાં અમદાવાદના દિનેશ તુલસી સોમૈયા નામના બૂકીના નામની કેફિયત આપતા પોલીસે બન્ને શખ્સો વિરૂદ્ધ જુગારધારા હેઠળ ગુનો નોંધી કાર્યવાહી હાથ ધરી હતી.
- Advertisement -
