જામનગર શહેરમાં તીનબતી પાસે પ્રેસિડેન્ટ હોટલ સામેના રોડ પરથી પસાર થતાં બાઇક સવાર બે શખ્સોને આંતરીને તલાશી લેતા તેઓની પાસેથી દારૂની 6 બોટલ મળી આવતા એલસીબીએ ત્રણ શખ્સો વિરૂઘ્ધ ગુનો નોંધી વધુ કાર્યવાહી હાથ ધરી હતી. જામનગરના દિ. પ્લોટ 49 વિસ્તારમાં રહેણાંક મકાનમાંથી પોલીસે પાંચ બોટલ દારૂ સાથે શખ્સને ઝડપી લીધો હતો.
દરોડાની વિગત મુજબ પ્રથમ દરોડો જામનગર શહેરના તીનબત્તી ચોકમાં પ્રેસિડેન્ટ હોટલ સામેના રોડ પરથી પસાર થતાં બાઇકસવારને એલસીબીને ટીમએ આંતરીને તલાશી લેતાં ધર્મેન્દ્રસિંહ ભીખુભા જાડેજા અને ખુશાલ જીતેન્દ્રપુરી ગોસ્વામી નામના બે શખ્સોના કબ્જામાંથી રૂા. 4722ની કિંમતની દારૂની 6 બોટલ મળી આવતા એલસીબીએ દારૂનો જથ્થો અને રૂા. 15 હજારની કિંમતના બે મોબાઇલ ફોન અને રૂા. 60 હજારની કિંમતનું બાઇક મળી કુલ રૂા. 79,722ના મુદામાલ સાથે ધરપકડ કરી પૂછપરછ હાથ ધરતાં આ દારૂનો જથ્થો અક્ષય ઉર્ફે બબન કોળી નામના જામનગરના શખ્સે સપ્લાય કર્યાની કેફિયત આપતા એલસીબીએ ત્રણ શખ્સો વિરૂઘ્ધ ગુનો નોંધી કાર્યવાહી આરંભી હતી.
બીજો દરોડો જામનગરના દિગ્વિજય પ્લોટ શેરી નંબર 49 વિસ્તારમાં રહેતા નરેશ નાનજી મંગેના મકાનમાં દારૂનો જથ્થો હોવાની બાતમીના આધારે સિટી ‘એ’ ડિવિઝન પોલીસ સ્ટાફે રેઇડ દરમ્યાન તલાશી લેતાં રૂા. 2500ની કિંમતની દારૂની પાંચ બોટલ મળી આવતાં પોલીસે નરેશની પૂછપરછ હાથ ધરતાં દારૂની બોટલો ક્રિષ્ના ઉર્ફે એક્કો મહેન્દ્ર ગોરી નામના શખ્સે સપ્લાય કર્યાની કેફિતયના આધારે પોલીસે બે શખ્સો વિરૂઘ્ધ ગુનો નોંધી આગળની તપાસ હાથ ધરી હતી.
