જામનગર તાલુકાના ઠેબા ગામના ખારા વિસ્તારમાં જાહેરમાં તીનપતિનો જૂગાર રમતા આઠ શખ્સોને એલસીબીની ટીમે રેઈડ દરમિયાન રૂા.40,100 ની રોકડ અને સાત નંગ મોબાઇલ તથા ત્રણ બાઇક મળી કુલ રૂા.1,50,100 ના મુદ્દામાલ સાથે ઝડપી લીધા હતાં. જામનગરના પવનચકકી વિસ્તારમાં વર્લીમટકાના આંકડા લખતા શખ્સને રૂા.10,300 ની રોકડ રકમ અને વર્લીના આંકડા લખેલી સ્લીપ સાથે ઝડપી લીધો હતો.
જૂગાર દરોડાની વિગત મુજબ, પ્રથમ દરોડો જામનગર તાલુકાના ઠેબા ગામમાં ખારા વિસ્તારમાં રહેતાં યુસુફ મામદ શેખ નામના શખ્સના મકાનમાં બહારથી માણસો બોલાવી તીનપતિનો જૂગાર રમાડતો હોવાની યશપાલસિંહ જાડેજા, યોગરાજસિંહ રાણા, ધર્મેન્દ્રસિંહ જાડેજાને મળેલી બાતમીના આધારે જિલ્લા પોલીસવડા પ્રેમસુખ ડેલુની સૂચનાથી પીઆઈ જે.વી. ચૌધરી, પીએસઆઈ એસ.પી.ગોહિલ તથા સ્ટાફના સંજયસિંહ વાળા, હરપાલસિંહ સોઢા, ભરતભાઈ પટેલ, શરદભાઈ પરમાર, દિલીપભાઈ તલાવડિયા, ભગરથસિંહ સરવૈયા, હરદીપભાઈ ધાંધલ, અશોકભાઈ સોલંકી, વનરાજભાઇ મકવાણા, ધાનાભાઈ મોરી, યશપાલસિંહ જાડેજા, હિતેન્દ્રસિંહ જાડેજા, અજયસિંહ ઝાલા, શિવભદ્રસિંહ જાડેજા, નિર્મળસિંહ જાડેજા, રાકેશભાઈ ચૌહાણ, કિશોરભાઈ પરમાર, સુરેશભાઇ માલકિયા, દયારામ ત્રિવેદી, બિજલભાઈ બાલસરા, ધર્મેન્દ્રસિંહ જાડેજા સહિતના સ્ટાફે રેઈડ દરમિયાન સંચાલક યુસુફ મામદ શેખ, કાસમ અહેમદ કુરેશી, ઈરફાન ઈકબાલ ખોજા, ઈમરાન નુરમામદ કુરેશી, ઈજુ ઈકબાલ ઘાંચી,ઈરફાન ઉર્ફે ઈકુ કરીમ સંધી, શાહનવાઝ ઉર્ફે નવાઝ સીરાજ કાદરી, મોહીબ નુરમામદ કુરેશી સહિતના આઠ શખ્સોને ઝડપી લીધા હતાં.
એલીસબીની ટીમે રેઈડ દરમિયાન જૂગારના અખાડામાંથી રૂા.40,100 ની રોકડ રકમ, ગંજીપના તથા રૂા.35,000 ની કિંમતના સાત નંગ મોબાઇલ અને રૂા.75,000 ની કિંમતના ત્રણ બાઈક મળી કુલ રૂા.1,50,100 ના મુદ્દામાલ સાથે આઠ શખ્સોને ઝડપી લઇ ગુનો નોંધી આગળની કાર્યવાહી હાથ ધરી હતી.
બીજો દરોડો, જામનગર શહેરના પવનચકકી સર્કલ પાસે જાહેરમાં વર્લીમટકાના આંકડા લખી પૈસાની હારજીત કરતા ઉમેદ વલ્લભ લખીયર નામના શખ્સને સીટી એ ડીવીઝને રેઈડ દરમિયાન રૂા.10,300 ની રોકડ રકમ અને વર્લીના સાહિત્યની સ્લીપ સાથે ઝડપી લઇ ગુનો નોંધી આગળની તપાસ હાથ ધરી હતી.
