જામનગર શહેરના વિનાયક પાર્ક વિસ્તારમાં જાહેરમાં તીનપત્તીનો જુગાર રમતાં ત્રણ મહિલા સહિત પાંચ શખ્સોને સિટી ‘એ’ ડિવિઝન પોલીસ સ્ટાફે રૂા. 17,300ના મુદામાલ સાથે ઝડપી લઇ આગળની કાર્યવાહી હાથ ધરી હતી. જામનગર શહેરના શંકર ટેકરી વિસ્તારમાંથી તીનપત્તી રમતા ત્રણ શખ્સોને સિટી ‘સી’ ડિવિઝન પોલીસ સ્ટાફે રૂા. 16,190ની રોકડ અને ગંજીપના સાથે ઝડપી લીધા હતા.
જુગારના પ્રથમ દરોડાની વિગત મુજબ જામનગર શહેરના વિનાયક પાર્ક વિસ્તારમાં જાહેરમાં મદ્યરાત્રિના તીનપત્તીનો જુગાર રમાતો હોવાની બાતમીના આધારે પીઆઇ એન. એ. ચાવડા તથા સ્ટાફએ રેઇડ દરમ્યાન ત્રણ મહિલા અને જીજ્ઞેશ ગંગદાસ કપુરિયા, સુભાષ નારણ મકવાણા નામના પાંચ શખ્સોને રૂા. 17,300ની રોકડ અને ગંજીપત્તા સાથે ઝડપી લઇ ગુનો નોંધી આગળની કાર્યવાહી હાથ ધરી હતી.
બીજો દરોડો જામનગર શહેરના શંકર ટેકરીના સુભાષપરાની શેરી નંબર બેમાં ઇદ મસ્જીદની બાજુમાં જાહેરમાં તીનપત્તીનો જુગાર રમાતા સ્થળે સિટી ‘સી’ ડિવિઝન પોલીસ સ્ટાફે રેઇડ દરમ્યાન આજીશા ઉમરશા શેખ, ભાવેશ રામજી પરમાર, વિજય ભીમજી ડુવા નામના ત્રણ શખ્સોને પોલીસે રૂા. 16,190ની રોકડ રકમ તથા ગંજીપત્તા સાથે ઝડપી લઇ આગળની કાર્યવાહી હાથ ધરી હતી.
