IPL 2025માં રાજસ્થાન રોયલ્સ માટે રમતા 14 વર્ષના વૈભવ સુર્યવંશીએ સોમવારે જયપુરના સાવાઈ મન્સિંહ સ્ટેડિયમ ખાતે ગુજરાત ટાઇટન્સ સામે ઐતિહાસિક પરફોર્મન્સ આપ્યું. માત્ર 17 બોલમાં અડધી સદી અને 35 બોલમાં સદી ફટકારી તેઓ IPL ઇતિહાસના સૌથી યુવાન સદી બનાવનાર ખેલાડી બની ગયા છે. સાથે સાથે, આ સિઝનમાં અત્યાર સુધીની સૌથી ઝડપી સદીનો રેકોર્ડ પણ તેમણે પોતાના નામે કર્યો.
વૈભવની આ વિસ્ફોટક બેટિંગે ગુજરાત ટાઇટન્સના બોલરોને દબાણમાં મૂકી દીધા હતા. તેમણે ઈશાંત શર્માની એક જ ઓવરમાં 28 રન ફટકારી નાખ્યા અને મહમ્મદ સિરાજની ત્રીજી બોલ પર જ છક્કો ઝંકારીને પોતાના આત્મવિશ્વાસનું દર્શન કરાવ્યું. ઈશાંત શર્માએ દબાણમાં આવીને બે વાર વાઇડ પણ ફેંકી.
શતક પૂરું કરતા જ રાજસ્થાન રોયલ્સના તમામ ખેલાડીઓ મેદાનના કિનારે આવીને વૈભવનું ઉમંગભેર સ્વાગત કર્યું હતું. યશસ્વી જયસ્વાલે ખાસ રીતે ભેટી ને નવોદિત ટેલેન્ટને અભિનંદન આપ્યું.
Youngest to score a T20 1⃣0⃣0⃣ ✅
Fastest TATA IPL hundred by an Indian ✅
Second-fastest hundred in TATA IPL ✅Vaibhav Suryavanshi, TAKE. A. BOW 🙇 ✨
Updates ▶ https://t.co/HvqSuGgTlN#TATAIPL | #RRvGT | @rajasthanroyals pic.twitter.com/sn4HjurqR6
— IndianPremierLeague (@IPL) April 28, 2025
ઐતિહાસિક સિદ્ધિઓની ઝાંખી:
- ઉંમર: 14 વર્ષ અને 32 દિવસ
- અડધી સદી અને સદી સુધી પહોંચવા માટે બોલો: 17 બોલ, 35 બોલ
- મારેલા ચોગ્ગા અને છગ્ગા: 7 ચોગ્ગા અને 11 છગ્ગા
- IPLના ઇતિહાસમાં સંયુક્ત રીતે પાંચમી સૌથી ઝડપી અડધી સદી
- રાજસ્થાન રોયલ્સ માટે બીજી સૌથી ઝડપી અડધી સદી
Only 14… but already hitting 90m sixes 💪
Vaibhav Suryavanshi, remember the name! 🫡
Updates ▶ https://t.co/HvqSuGgTlN#TATAIPL | #RRvGT | @rajasthanroyals pic.twitter.com/6YyJKShHR2
— IndianPremierLeague (@IPL) April 28, 2025
પૃથ્વી શો અને રિયાન પરાગના રેકોર્ડ તોડ્યાં
વૈભવે પોતાના કેપ્ટન રિયાન પરાગનો પણ રેકોર્ડ તોડ્યો છે. રિયાને 17 વર્ષ અને 175 દિવસની ઉંમરે IPLમાં અડધી સદી ફટકારી હતી, જ્યારે વૈભવે માત્ર 14 વર્ષ અને 32 દિવસની નાની ઉંમરે આ સિદ્ધિ હાંસલ કરી છે. અગાઉ સંજુ સેમસન અને પૃથ્વી શોએ 18 વર્ષની ઉંમરે IPLમાં પોતાની પહેલી અડધી સદી ફટકારી હતી.
દિગ્ગજોની યાદીમાં સ્થાન મેળવ્યું
વૈભવ સુર્યવંશીએ 17 બોલમાં અડધી સદી ફટકારતા કેરોન પોલાર્ડ, ક્રિસ ગેઇલ, સુનીલ નરીન, સૂર્યકુમાર યાદવ, હાર્દિક પંડ્યા અને નિકોલસ પૂરણ જેવા મોખરાના ખેલાડીઓની યાદીમાં પોતાનું સ્થાન બનાવી લીધું છે.
જ્યારે વૈભવને રાજસ્થાન રોયલ્સે આ વર્ષની હરાજીમાં ખરીદ્યો હતો, ત્યારે ઘણાએ તેમના તાત્કાલિક સફળતાની કલ્પના પણ નહીં કરી હતી. પરંતુ તેમણે તેમના પ્રથમ IPL સિઝનમાં જ પોતાના ભવિષ્યના તારક હોવાના સંકેતો આપી દીધા છે.
