જામનગરના હાપા રેલવે યાર્ડમાં થયેલ ચોરીના કેસમાં જામનગર એલસીબી પોલીસે બે શખ્સોને કોપર તથા પીતળના વાયર સહિત કુલ રૂા. 57,000 ના મુદ્દામાલ સાથે ઝડપી લીધા હતાં.
આ અંગેની વિગત મુજબ, જામનગર-રાજકોટ હાઈવે રોડ પર જામનગર તરફથી હાપા રેલવે સ્ટેશન જતા રોડ પર ચા-પાનની કેબિન પાસે બે શખ્સો કોપર તથા પીતળના વાયરના ચોરાઉ મુદ્દામાલ સાથે હોવાની એલસીબીના હેકો ધર્મેન્દ્રસિંહ જાડેજા, પો.કો. કિશોરભાઈ પરમાર, તથા ધાનાભાઈ મોરીને મળેલ બાતમીના આધારે જિલ્લા પોલીસવડા પ્રેમસુખ ડેલુની સૂચના અને એલસીબીના પીઆઇ જે.વી. ચૌધરીના માર્ગદર્શન મુજબ પીએસઆઇ આર.કે. કરમટા, એસ.પી. ગોહિલ, પી.એન. મોરી તથા સ્ટાફના સંજયસિંહ વાળા, હરપાલસિંહ સોઢા, ભરતભાઈ પટેલ, નાનજીભાઈ પટેલ, દિલીપભાઈ તલવાડિયા, હરદીપભાઈ ઘાઘલ, વનરાજભાઈ મકવાણા, ધાનાભાઈ મોરી, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, નિર્મળસિંહ જાડેજા, કિશોરભાઈ પરમાર, હરદીપભાઇ બારડ, ઋષિરાજસિંહ વાળા, મયુરસિંહ પરમાર, કલ્પેશભાઈ મૈયડ, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા સહિતના સ્ટાફ દ્વારા રેઈડ દરમિયાન અજય મુકેશ પરમાર તથા મનિષ ઉર્ફે મકો દેવા ગાંડાભાઈ જોગસ્વા નામના બે શખ્સોેને રૂા.13,200 ની કિંમતના 22 કિલો વજનના 15 મીટર જંપર વાયર (કોપર), રૂા.9600 ની કિંમતનો 24 કિલો ઓએચઈ ફીટીંગ્સ (પીતળ), રૂા.600 ની કિંમતના એક કિલો ડ્રોયર વાયર (કોપર)ના ટુકડા, રૂા.31,200 ની કિંમતનો 52 કિલો કેટનરી વાયર (કોપર) ના નાના મોટા ટુકડા તથા રૂા.2400 ની કિંમતનો કોટેકટ વાયર (કોપર) ના ટુકડા સહિત કુલ રૂ.57000 ની કિંમતનો મુદ્દામાલ કબ્જે કર્યો હતો. આરોપીની પૂછપરછ દરમિયાન આ મુદ્દામાલ ગત તા.7/12/2023 ના હાપા રેલવે યાર્ડમાંથી ચોરી કર્યાની કેફિયત આપી હતી.
