જામનગર શહેરમાં 55-દિગ્વિજય પ્લોટ વિસ્તારમાંથી પોલીસે દારૂની બોટલો સાથે શખ્સને ઝડપી લીધો હતો. જામનગરમાં સાંઢિયા પુલ નજીક માધવ બાગ-પ પાસેથી દારૂની બોટલ સાથે પસાર થતાં શખ્સને ઝડપી લઇ આગળની કાર્યવાહી હાથ ધરી હતી.
દરોડાની વિગત મુજબ પ્રથમ દરોડો જામનગર શહેરમાં દિગ્વિજય પ્લોટ શેરી નંબર 55માંથી પસાર થતાં રાકેશ નિરંજન વસા નામના કડિયાવાડમા રહેતા શખ્સને સિટી ‘એ’ ડિવિઝન પોલીસ સ્ટાફે આંતરીને તલાશી લેતાં તેના કબ્જામાંથી રૂા. 2 હજારની કિંમતની દારૂની 4 બોટલ મળી આવતા પોલીસે રાકેશની ધરપકડ કરી ગુનો નોંધી આગળની કાર્યવાહી હાથ ધરી હતી. બીજો દરોડો જામનગર શહેરમાં સાંઢિયા પુલથી આગળ માધવ બાગ-પ સામેના રોડ પરથી પસાર થતાં નરેશ ભીખુ ચૌહાણ નામના શખ્સને આંતરી સિટી ‘સી’ ડિવિઝન પોલીસ સ્ટાફે તલાશી દરમ્યાન તેના કબ્જામાંથી રૂા. 500ની કિંમતની એક નંગ દારૂની બોટલ મળી આવતા ધરપકડ કરી આગળની કાર્યવાહી હાથ ધરી હતી.
