જામનગર શહેરમાંથી ચોરાઉ મોબાઇલ સાથે તસ્કર ઝબ્બે

જામનગર શહેરના સમર્પણ સર્કલ પાસેના વિસ્તારમાંથી સીટી સી ડીવીઝન પોલીસે ચોરાઉ મોબાઇલ સાથે શખ્સને ઝડપી લઈ પૂછપરછ હાથ ધરી હતી.

આ અંગેની વિગત મુજબ, જામનગર શહેરમાં પેટ્રોલિંગ દરમિયાન હેકો યશપાલસિંહ જાડેજા અને પો.કો. યુવરાજસિંહ જાડેજાને મળેલી બાતમીના આધારે પોલીસ અધિક્ષક પ્રેમસુખ ડેલુની સૂચનાથી ડીવાયએસપી જે.એન. ઝાલાના માર્ગદર્શન હેઠળ પીઆઈ એ.આર.ચૌધરી, પીએસઆઈ વી.બી.બરસબીયા, હેકો ફૈઝલભાઇ ચાવડા, જાવેદભાઈ વજગોળ, યશપાલસિંહ જાડેજા, એન.બી. સદાદીયા, પો.કો. હર્ષદભાઈ પરમાર, યુવરાજસિંહ જાડેજા, ખીમશીભાઈ ડાંગર, હોમદેવસિંહ જાડેજા સહિતના સ્ટાફે વોચ ગોઠવી બાતમી મુજબના સાજીદ હનિફ શેખ નામના સીસીટીવી કેમેરાનું ફીટીંગ કરતા શખ્સને ઝડપી લઇ તેની પાસેથી રૂા.5000 ની કિંમતનો ચોરાઉ મોબાઇલ કબ્જે કરી વધુ પૂછપરછ હાથ ધરી હતી.