ટમેટા ઠર્યા ત્યાં બટેટા બળ્યા

હવે ટામેટા બાદ બટાકાએ બજેટ તોડી દીધું છે. અનેક શહેરોમાં તેની કિંમત 60 રૂપિયા પ્રતિ કિલો થઈ છે. ચોમાસાના આગમનની સાથેજ દેશમાં મોંઘવારી પણ વધી છે. દેશભરમાં ચોમાસું ફેલાઈ જતાં મોંઘવારી પણ વધી ગઈ હતી. પ્રથમ તો ટામેટાંના ભાવ વધ્યા. 30 થી 40 રૂપિયા પ્રતિ કિલો મળતા ટામેટા જૂનના છેલ્લા સપ્તાહમાં ઘટીને 140 રૂપિયા પ્રતિ કિલો પર આવી ગયા છે. તે જ સમયે જુલાઈ સુધીમાં તે 300 રૂપિયા પ્રતિ કિલોને પાર પહોંચી ગયા હતા. ચંદીગઢ સહિત અનેક શહેરોમાં એક કિલો ટામેટાંનો ભાવ 350 રૂપિયા સુધી પહોંચી ગયો હતો. આ સાથે લીલા શાકભાજીના ભાવમાં પણ મોટો વધારો જોવા મળી રહ્યો છે. અત્યારે મિઝોરમમાં બટાટા સૌથી મોંઘા વેચાઈ રહ્યા છે. અહીંના ચમ્ફાઈ શહેરમાં એક કિલો બટાકાનો ભાવ 60 રૂપિયા સુધી પહોંચ્યા છે. આવી સ્થિતિમાં લોકો બટાકાની ખરીદી કિલોના હિસાબે નહીં પણ ગ્રામ પ્રમાણે કરી રહ્યા છે. સાથે જ ભાવ વધારાના કારણે ગરીબ માણસની થાળીમાંથી બટાકાનું શાક ગાયબ થઈ ગયું છે. લોકો બટાકાને બદલે અન્ય શાકભાજી ખાવાનું પસંદ કરી રહ્યા છે. ખાસ વાત એ છે કે ચમ્ફાઇ પછી તમિલનાડુના નીલગીરી શહેરમાં બટાકાની કિંમત સૌથી વધુ છે. અહીં એક કિલો બટાકાની કિંમત 47 રૂપિયા થઈ ગઈ છે.