Video : જામનગર બ્રહ્મ સોશિયલ ગુ્રપ દ્વારા ઓપન સૌરાષ્ટ્ર મોદક આરોગવાની સ્પર્ધા

જામનગર બ્રહ્મ સોશિયલ ગુ્રપ દ્વારા આજે ગણેશ ચતુર્થીના પાવન દિવસે ઓપન સૌરાષ્ટ્ર મોદક આરોગવાની સ્પર્ધા 2023 યોજાઈ હતી. જેમાં 23 ભાઈઓ, 20 બહેનો અને 13 બાળકોએ ભાગ લીધો હતો.

આ સ્પર્ધામાં જામનગર ઉપરાંત ખંભાળિયા, લાલપુર, ભાણવડ, જામકંડોરણાના સ્પર્ધકો એ પણ વરસતા વરસાદમાં ભાગ લીધો હતો. આ પ્રસંગે લાડુ મુખ્યત્વે ચોખ્ખુ ઘીમાંથી બનાવેલા દાળ સાથે પીરસવામાં આવે છે. સતત 14 મા વર્ષે આ સ્પર્ધા યોજાઈ હતી. જેમાં વિજેતાઓને મોમેન્ટો, સર્ટીફિકેટ, તેમજ રોકડ પુરસ્કાર અર્પણ કરાયા હતાં. આ સ્પર્ધાને સફળ બનાવવા પ્રમુખ કીર્તિભાઈ કલ્યાણી, પ્રોજેકટ ચેરમેન આનંદભાઈ દવે, મંત્રી મનિષભાઈ રાવલ તથા દિપાલીબેન પંડયા અને કારોબારી સભ્યોએ જહેમત ઉઠાવી હતી.