Tuesday, March 19, 2024
HomeબિઝનેસStock Market NewsLIC-IPO ના લિસ્ટિંગે રોકાણકારોને કર્યા નિરાશ

LIC-IPO ના લિસ્ટિંગે રોકાણકારોને કર્યા નિરાશ

‘ગાજયા મેહ વરસ્યા નહીં’ 8 ટકા ડિસ્કાઉન્ટ સાથે લીસ્ટ થયો શેર

- Advertisement -

મહિનાઓની રાહ જોયા બાદ આજે સરકારી વીમા કંપની LICના શેર ઓપન માર્કેટમાં લિસ્ટ થયા છે. એલઆઇસીનો  શેર 872 પર બજારમાં લિસ્ટ થયો છે. બહુપ્રતિક્ષિત આ IPO માટે કહી શકાય કે ગાજ્યા મેઘ વરસ્યા નહીં. રોકાણકારોને અપેક્ષિત લાભ ન મળતા નિરાશા દેખાઈ રહી છે. ઈશ્યુ યુક્રેન – રશિયા યુદ્ધના કારણે લંબાવવો પડ્યો હતો જોકે મેં મહિનાના મધ્યાનની સમયમર્યાદાના કારણે તે ચાલુ મહિનાના પહેલા સપ્તાહમાં IPO લોન્ચ કરાયો હતો.

- Advertisement -

LICના શેરનું લિસ્ટિંગ ડિસ્કાઉન્ટ સાથે થયું છે. NSE પર LICના શેર રૂ. 77 એટલે કે 8.11% ઘટીને રૂ. 872 પર લિસ્ટ થયો છે, જ્યારે BSE પર તે 867 પર લિસ્ટેડ થયો છે. આમતો IPO ને રોકાણકારો તરફથી સારો પ્રતિસાદ મળ્યો હતો અને લગભગ 3 ગણો સબ્સ્ક્રાઇબ કરવામાં આવ્યો છે. સરકારે આ દ્વારા 21,000 કરોડ રૂપિયા એકત્ર કરવાનો લક્ષ્યાંક પણ પૂર્ણ કર્યો છે. છતાં લિસ્ટિંગ ગેઈનનો લાભ ન મળવાથી રોકાણકાર નિરાશ થયા છે. દિવસની શરૂઆત 12.60 ટકા અથવા રૂ. 119.60ના નુકસાન સાથે રૂ. 829 પર કરી

જોકે, શેરબજારમાં LICની શરૂઆત સારી રહી ન હતી. ગ્રે માર્કેટમાં શૂન્યથી નીચે પ્રીમિયમ પર ટ્રેડિંગ કર્યા પછી, BSE પર પ્રી-ઓપન સેશનમાં LICના શેર 12 ટકાથી વધુના ઘટાડા સાથે ટ્રેડ થઈ રહ્યા હતા. પ્રી-ઓપનમાં, LICના શેરે પ્રથમ દિવસની શરૂઆત 12.60 ટકા અથવા રૂ. 119.60ના નુકસાન સાથે રૂ. 829 પર કરી હતી.

- Advertisement -

LICનો આ પ્રથમ ઈશ્યુ ભારતના ઈતિહાસમાં અત્યાર સુધીનો સૌથી મોટો આઈપીઓ સાબિત થયો છે. આ આઇપીઓ માટે પ્રાઇસ બેન્ડ 902-949 રૂપિયા નક્કી કરવામાં આવી હતી. પ્રથમ વખત, આઇપીઓ સપ્તાહના બંને દિવસોમાં ખુલ્લું રહ્યું હતું. એલઆઈસીના આઈપીઓ, જે રેકોર્ડ 6 દિવસ સુધી ખુલ્લા હતા, તેને લગભગ દરેક કેટેગરીમાં સારો પ્રતિસાદ મળ્યો હતો. જોકે, ગ્રે માર્કેટમાં LIC IPOનું પ્રીમિયમ લિસ્ટિંગ પહેલા શૂન્યથી નીચે ગયું છે, જેના કારણે રોકાણકારોને પહેલા જ દિવસે નુકસાનના સંકેત દેખાઈ રહ્યા છે.સરકારી વીમા કંપનીનો લિસ્ટિંગ સમારોહ સવારે 08:45 વાગ્યે શરૂ થયો હતો. લિસ્ટિંગ સેરેમનીમાં BSEના CEO અને MD આશિષ કુમાર ચૌહાણ, DIPAM સેક્રેટરી તુહિન કાંત પાંડે સહિત LICના તમામ અધિકારીઓ હાજર હતા.

- Advertisement -
RELATED ARTICLES
- Advertisment -

Most Popular