જામનગર શહેરના વાઘેરવાડા પાસે બચુનગરમાં રહેતા શખ્સના વાડામાં ઈંગ્લીશ દારૂનો જથ્થો હોવાની બાતમીના આધારે એલસીબીની ટીમે રેઈડ દરમિયાન 840 બોટલ દારૂ સાથે શખ્સની શોધખોળ આરંભી હતી. જામનગર શહેરમાં સંગમ બાગ સામેના ઢાળિયા પરથી સિટી એ ડીવીઝન પોલીસ સ્ટાફે બાઈકસવારને ઈંગ્લીશ દારૂની ત્રણ બોટલ સાથે ઝડપી લીધો હતો.
દરોડાની વિગત મુજબ, પ્રથમ દરોડો જામનગર શહેરના વાઘેરવાડા પાસેના બચુનગરમાં રહેતાં મહોસીન મહમદ ભાયા નામના શખ્સના કબ્જાના વાડામાં ઈંગ્લીશ દારૂનો જથ્થો હોવાની એલસીબીના હરદીપ બારડ, ઋષિરાજસિંહ વાળા, દિલીપ તલાવડિયા અને હિતેન્દ્રસિંહ જાડેજાને મળેલી બાતમીના આધારે એલસીબીના પીઆઈ વી.એમ. લગારીયા, પી.એન. મોરી તથા સ્ટાફના સંજયસિંહ વાળા, હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલવાડિયા, વનરાજભાઈ મકવાણા, ધાનાભાઈ મોરી, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, કિશોરભાઈ પરમાર, હરદીપભાઇ બારડ, ઋષિરાજસિંહ વાળા, મયુરસિંહ પરમાર, કલ્પેશભાઈ મૈયડ, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે રેઈડ દરમિયાન તલાસી લેતા વાડામાંથી રૂા.3,36,000 ની કિંમતની 840 નંગ ઈંગ્લીશ દારૂની બોટલો મળી આવતા એલસીબીએ મહોસીનની શોધખોળ આરંભી હતી.
બીજો દરોડો, જામનગર શહેરમાં સંગમબાગ સામેના ઢાળિયા પાસેથી જીજે-10-બીએમ-8862 નંબરના બાઇક પરથી પસાર થતા હર્ષ રાજેશ ખટવાણી નામના શખ્સને સિટી એ ડીવીઝન પોલીસ સ્ટાફે આંતરીને તલાસી લેતા તેના કબ્જામાંથી રૂા.1500ની કિંમતની ઈંગ્લીશ દારૂની ત્રણ બોટલ મળી આવતા રૂા. 20 હજારની બાઈક અને દારૂ સાથે પોલીસે રૂા.21,500 ના મુદ્દામાલ સાથે ઝડપી લઇ આગળની કાર્યવાહી હાથ ધરી હતી.
ત્રીજો દરોડો, જામનગર શહેરમાં વામ્બે આવાસ આઠ માળિયા ગેઈટ પાસેથી પસાર થતા જીજે-10-ડીએસ-9273 નંબરના બાઈક પરથી પ્રદિપસિંહ પદયો સવાજી રાઠોડ અને ખજેન્દ્રસિંહ ઉર્ફે ખજલો વિક્રમસિંહ જાડેજા નામના બે શખ્સોની તલાસી લેતા તેમની પાસેથી રૂા.1000 ની કિંમતની દારૂની બે બોટલ અને બાઈક તથા મોબાઇલ મળી આવતા પોલીસે રૂા.54,000 નો મુદ્દામાલ કબ્જે કરી બંનેની ધરપકડ કરી હતી.
