જામનગર એલસીબી પોલીસે સાધના કોલોની ગેઈટ પાસેથી એક મોટરકારમાંથી 85 નંગ દારૂની બોટલ સાથે બે શખ્સોને ઝડપી લઇ એલસીબી પોલીસે કુલ રૂા.1,13,500 નો મુદ્દામાલ કબ્જે કર્યો હતો.
દારૂના દરોડાની વિગત મુજબ, જામનગર શહેરમાં સાધના કોલોની છેલ્લો ગેઈટ ગરબી ચોકમાંથી બે શખ્સો મોટરકારમાં દારૂની હેરફેર કરતા હોવાની એલસીબીના ઘનશ્યામભાઈ ડેરવાડિયા, સુમિતભાઈ શિયાર તથા ભરતભાઈ ડાંગરને મળેલી બાતમીના આધારે જામનગર જિલ્લા પોલીસવડા પ્રેમસુખ ડેલુની સુચના અને એલસીબીના પીઆઈ વી.એમ. લગારીયાના માર્ગદર્શન મુજબ પીએસઆઇ પી.એન. મોરી, એ.કે. પટેલ તથા સ્ટાફના સંજયસિંહ વાળા, હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલવાડિયા, વનરાજભાઈ મકવાણા, ધાનાભાઈ મોરી, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, કિશોરભાઈ પરમાર, હરદીપભાઇ બારડ, ઋષિરાજસિંહ વાળા, મયુરસિંહ પરમાર, કલ્પેશભાઈ મૈયડ, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે જીજે-03-ડીડી-4621 નંબરની મોટરકારનેે આંતરીને તલાસી લેતા નિકુલસિંહ ગંભીરસિંહ જાડેજા તથા જયદીપસિંહ મહિપતસિંભહ જાડેજા નામના બે શખ્સોને રૂા.8500 ની કિંમતની 85 નંગ વિદેશી દારૂની બોટલ તથા એક મોબાઇલ ફોન, અને મોટરકાર મળી કુલ રૂા.1,13,500 ની કિંમતના મુદ્દામાલ સાથે ઝડપી લઇ કાયદેસરની કાર્યવાહી હાથ ધરી હતી. તેમજ આ દારૂનો જથ્થો પોતે ગોવા અલગ અલગ વાઈનશોપમાંથી લઈ આવ્યા હોવાનું જણાવ્યું હતું.