જામનગર એલસીબી પોલીસે 168 નંગ દારૂની બોટલ, મોટરકાર તથા મોબાઇલ ફોન સહિત કુલ રૂા.2,72,200 ના મુદ્દામાલ સાથે એક શખ્સને ઝડપી લઇ કાયદેસરની કાર્યવાહી કરી હતી.
આ અંગેની વિગત મુજબ, એલસીબીના હરદીપભાઈ ધાધલ, ફિરોજભાઇ ખફી તથા શિવભદ્રસિંહ જાડેજાને મળેલી બાતમીના આધારે જામનગર શહેરના શાંતિનગર શેરી નં.3માંથી યોગીરાજસિંહ બળવંતસિંહ જાડેજાને ઈકો ગાડીમાં ઈંગ્લીશ દારૂની હેરાફેરી કરતા ઝડપી લઇ આરોપીના કબ્જામાંથી રૂા.67200ની કિંમતની 168 નંગ દારૂની બોટલ, રૂા.2 લાખની કિંમતની જીજે 13 એએમ 9830 નંબરની ઈકો કાર તથા રૂા.5000 ની કિંમતનો મોબાઇલ ફોન મળી કુલ રૂા.2,72,200 નો મુદ્દામાલ કબ્જે કર્યો હતો અને ભાગીદારીમાં દારૂ મંગાવનાર પૃથ્વીરાજસિંહ અમરસિંહ જાડેજા તથા દારૂ સપ્લાયર કરનાર મહેન્દ્ર કાઠી નામના શખ્સની શોધખોળ હાથ ધરી હતી.
આ કાર્યવાહી જિલ્લા પોલીસવડા પ્રેમસુખ ડેલુની સૂચનાથી એલસીબી પીઆઇ જે.વી. ચૌધરી, પીએસઆઈ એસ.પી.ગોહિલ, આર.કે.કરમટા, પી.એન. મોરી તથા સ્ટાફના સંજયસિંહ વાળા, હરપાલસિંહ સોઢા, ભરતભાઈ પટેલ, શરદભાઈ પરમાર, દિલીપભાઈ તલાવડિયા, ભગરથસિંહ સરવૈયા, હરદીપભાઈ ધાંધલ, અશોકભાઈ સોલંકી, વનરાજભાઇ મકવાણા, ધાનાભાઈ મોરી, યશપાલસિંહ જાડેજા, હિતેન્દ્રસિંહ જાડેજા, શિવભદ્રસિંહ જાડેજા, નિર્મળસિંહ જાડેજા, રાકેશભાઈ ચૌહાણ, કિશોરભાઈ પરમાર, સુરેશભાઇ માલકિયા, દયારામ ત્રિવેદી, બિજલભાઈ બાલસરા, ધર્મેન્દ્રસિંહ જાડેજા, બળવંતસ્હિં પરમાર, નાનજીભાઈ પટેલ, ઘનશ્યામભાઈ ડેરવાળિયા, હિરેનભાઈ વરણવા સહિતના સ્ટાફ દ્વારા કરવામાં આવી હતી.