વાગુદળ નજીક બોલેરોએ બાઈકને હડફેટે લેતા આદિવાસી યુવાનનું મૃત્યુ

ધ્રોલ તાલુકાના વાગુદળથી સગાડીયા ગામ નજીક બોલેરો વાહને બાઈકને હડફેટે લેતા વાડીમાં રખોપુ કરવા જતા યુવાનનું મોત નિપજ્યું હતું.

- Advertisement -

ધ્રોલ તાલુકાના વાગુદળ ગામમાં રહેતા રાજુભાઈ હરસીંગ મેહડા નામનો આદિવાસી યુવાન રવિવારે રાત્રિના સમયે તેના માલિકનું જીજે-03-બીસી-5940 નંબરના બાઈક પર વાડીએ રખોપુ કરવા જતો હતો તે દરમિયાન વાગુદળથી સગાડિયા ગામ તરફ જવાના માર્ગ પર પહોંચ્યો ત્યારે પૂરઝડપે બેફીકરાઈથી આવતી જીજે-03-બીટી-9569 નંબરના બોલેરો વાહને બાઈકને હડફેટે લઇ પછાડી દેતા ચાલક રાજુભાઈને માથામાં અને પગમાં ગંભીર ઈજા પહોંચતા મોત નિપજ્યું હતું. આ બનાવ અંગેની હિન્દુભાઈ દ્વારા જાણ કરાતા હેકો એન.એમ.ભીમાણી તથા સ્ટાફે મૃતદેહનો કબ્જો સંભાળી બોલેરો ચાલક વિરુધ્ધ ગુનો નોંધી ઝડપી લેવા માટે ચક્રો ગતિમાન કર્યા હતાં.