પ્રેમલગ્નનો ખાર રાખી, યુવાન પર હુમલો: બે શખ્સો સામે ફરિયાદ

મીઠાપુર તાબેના સુરજકરાડી વિસ્તારમાં રહેતા હરિયાભા રણમલભા માણેક નામના 25 વર્ષના હિન્દુ વાઘેર યુવાન પર આ જ વિસ્તારમાં રહેતા વેરશીભા લાલાભા સુમણીયા અને રામભા વેરશીભા સુમણીયા નામના બે શખ્સોએ લાકડી વડે હુમલો કરી, બેફામ મારી, જાનથી મારી નાખવાની ધમકી આપવા સબબ મીઠાપુર પોલીસમાં ફરિયાદ નોંધાવવામાં આવી છે.

ફરિયાદી હરિયાભાના મોટાભાઈએ આરોપી પરિવારની એક યુવતી સાથે પ્રેમ લગ્ન કર્યા હોય, જે બાબત આરોપીઓને સારું ન લાગતા આ બાબતનું મનદુ:ખ રાખી, હુમલો કરવામાં આવ્યો હોવાનું પોલીસ ફરિયાદમાં જાહેર થયું છે.

આ સમગ્ર બનાવ અંગે મીઠાપુર પોલીસે બન્ને શખ્સો સામે આઈ.પી.સી. કલમ 323, 324, 325, 506 (2), 114 તથા જી.પી. એક્ટ મુજબ ગુનો નોંધી, ધોરણસરની કાર્યવાહી હાથ ધરી છે.