રાજસ્થાનના એકસાઈઝ ડયુટીના કેસમાં છેલ્લાં નવ વર્ષથી નાસતા ફરતા આરોપીને જામનગર પેરોલ ફર્લો સ્કવોર્ડે લાખોટા તળાવ પાસેથી ઝડપી લઇ કાયદેસરની કાર્યવાહી હાથ ધરી હતી.
આ અંગેની વિગત મુજબ, રાજસ્થાનના જયપુર ગ્રામ્ય વિભાગના મનોહરપુર પોલીસ સ્ટેશનમાં નોંધાયેલ એકસાઈઝ ડયુટીના કેસનો આરોપી મહેન્દ્રસિંહ ઉર્ફે મુન્નો લખધીરસિંહ વાઘેલા નામનો શખસ છેલ્લાં નવ વર્ષથી નાસતો ફરતો હોય. અને તેના ઉપર રાજસ્થાન રાજ્યમાં ઈનામ જાહેર થયેલ હોય આ આરોપી હાલમાં જામનગર મીગકોલોની બાજુમાં લાખોટા તળાવ પાસે હોવાની પેરોલ ફર્લો સ્કવોર્ડના સલીમ નોયડા, ગોવિંદ ભરવાડ, ભરતભાઈ ડાંગર, મહિપાલ સાદિયા તથા ધર્મેન્દ્રભાઈ વૈષ્ણવને મળેલી બાતમીના આધારે જિલ્લા પોલીસવડા પ્રેમસુખ ડેલુની સૂચના અને એલસીબીના પીઆઈ જે.વી. ચૌધરીના માર્ગદર્શન હેઠળ જામનગર પેરોલ સ્કવોર્ડના પીઆઈ જે.વી.ચૌધરીના માર્ગદર્શન હેઠળ પીએસઆઈ એલ.જે.મિયાત્રા, એએસઆઈ ગોવિંદભાઈ ભરવાડ, લખધીરસિંહ જાડેજા, કરણસિંહ જાડેજા, હેકો સલીમભાઈ નોયડા, ગજેન્દ્રસિંહ જાડેજા, ભગીરથસિંહ સરવૈયા, ઘનશ્યામ ડેરવાળિયા, ભરત ડાંગર, રણજીતસિંહ પરમાર તથા પો.કો. મહિપાલભાઇ સાદિયા, ધર્મેન્દ્રભાઈ વૈષ્ણવ, હેકો અરવિંદગીરી ગોસાઈ, એલસીબી હેકો નિર્મળસિંહ જાડેજા, પો.કો. બળવંતસિંહ પરમાર સહિતના સ્ટાફ દ્વારા રેઈડ દરમિયાન આરોપી મહેન્દ્રસિંહ ઉર્ફે મુન્નો લખધીરસિંહ વાઘેલાને ઝડપી લઇ વધુ કાર્યવાહી માટે રાજસ્થાનના મનોહરપુર પોલીસ સ્ટેશનને સોંપી આપ્યો હતો.
