જામનગર શહેરના કડિયાવાડ વિસ્તારમાં ભાડાના મકાનમાં રહેતાં શખ્સના મકાનમાંથી એલસીબીની ટીમે રેઈડ દરમિયાન તલાસી લેતા રૂા.53,660 ની કિંમતની 425 નંગ દારૂની બોટલો મળી આવતા એલસીબીએ શખ્સની શોધખોળ આરંભી હતી.
દરોડાની વિગત મુજબ, જામનગર શહેરના કડિયાવાડ વિસ્તારમાં માધાણી શેરીમાં ભાડાના મકાનમાં રહેતાં હિરેન પ્રાણલાલ વાસાણીના મકાનમાં ઈંગ્લીશ દારૂનો જથ્થો ઉતર્યો હોવાની એલસીબીના કિશોરભાઈ પરમાર, સુમિતભાઈ શિયાર, ઘનશ્યામભાઈ ડેરવાડિયાને મળેલી બાતમીના આધારે પોલીસ અધિક્ષક પ્રેમસુખ ડેલુની સુચનાથી પીઆઈ વી.એમ. લગારીયા, પીએસઆઇ પી.એન. મોરી, એ.કે. પટેલ તથા સ્ટાફના સંજયસિંહ વાળા, હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલવાડિયા, વનરાજભાઈ મકવાણા, ધાનાભાઈ મોરી, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, કિશોરભાઈ પરમાર, હરદીપભાઇ બારડ, ઋષિરાજસિંહ વાળા, મયુરસિંહ પરમાર, કલ્પેશભાઈ મૈયડ, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે રેઈડ કરી હતી.
રેઈડ દરમિયાન એલસીબીની ટીમે મકાનમાંથી તલાસી લેતા જુદી જુદી બ્રાન્ડની 53660 ની કિંમતની 425 બોટલ દારૂ મળી આવતા એલસીબીએ દારૂ કબ્જે કરી હિરેનની શોધખોળ માટે ચક્રો ગતિમાન કર્યા હતાં.