જામનગર-પોરબંદર રૂરલ વચ્ચે અંડર-19 મેચનો પ્રારંભ

જામનગરમાં અજીતસિંહજી ક્રિકેટ બંગલાખાતે આજથી ઇન્ટર ડિસ્ટ્રીક અંડર-19 ટૂર્નામેન્ટનું પ્રારંભ થયો હતો. આજે આ પ્રારંભમાં જામનગર પૂર્વ શહેર અધ્યક્ષ ભાજપ નિલેશભાઇ ઉદાણી દ્વારા જામનગર અને પોરબંદર ગ્રામ્ય વચ્ચેની પ્રથમ મેચનો ટોસ ઉછાળી પ્રારંભ કરાવ્યો હતો. પ્રારંભ પૂર્વે બંન્ને ટીમોને શુભેચ્છા પાઠવી હતી. જેમાં જામનગરની ટીમના કેપ્ટને ટોસ જીતીને પ્રથમ બેટીંગ પસંદ કરી હતી. આ ટોસ ઉછાળ પ્રક્રીયામાં જામનગર ડિસ્ટ્રીક પ્રમુખ અજય સ્વાદિયા, વિનુભાઇ ધ્રુવ, મહેન્દ્રસિંહ ચૌહાણ, ભરતસિંહ જાડેજા અને ભરતભાઇ મથ્થર સહિતના સભ્યો ઉપસ્થિત રહ્યા હતાં.