જામનગર તાલુકાના નારણપર ગામની સીમના ખેતરમાંથી એલસીબીની ટીમે રેઈડ દરમિયાન જૂગાર રમતા ચાર શખ્સોને રૂા.86,000 ના મુદ્દામાલ સાથે ઝડપી લીધા હતાં. જામનગરના ધરારનગરમાં જાહેરમાં તીનપતિ રમતા ત્રણ મહિલા સહિત સાત શખ્સોને પોલીસે રૂા.10,220 ની રોકડ સાથે ઝડપી લઇ આગળની કાર્યવાહી હાથ ધરી હતી.
જૂગાર દરોડાની વિગત મુજબ, જામનગર તાલુકાના નારણપર ગામની સીમમાં આવેલા જયેશ ભૂપત ચાન્દ્રાના ખેતરમાં તીનપતિનો જૂગાર રમાતો હોવાની ભગીરથસિંહ સરવૈયા અને યશપાલસિંહ જાડેજાને મળેલી બાતમીના આધારે ઈન્ચાર્જ જિલ્લા પોલીસવડા નિતેશ પાંડેયની સૂચનાથી એલસીબી પીઆઈ એસ.એસ. નિનામા તથા સ્ટાફ દ્વારા રેઈડ દરમિયાન જયેશ ભૂપત ચાન્દ્રા, જીતેન્દ્ર ઉર્ફે જીતિયો નરેન્દ્ર નાખવા, દિપક વસંત નંદા, ભાવેશ ઉર્ફેે ભાવલો ધીરુભાઈ ગંઢા નામના ચાર શખ્સોને રૂા.36 હજારની રોકડ રકમ અને રૂા.50 હજારની કિંમતની બે બાઈક મળી કુલ રૂા.86 હજારના મુદ્દામાલ સાથે ઝડપી લઇ આગળની કાર્યવાહી હાથ ધરી હતી.
બીજો દરોડો, જામનગર શહેરના ધરારનગર-2 વિસ્તારમાં જાહેરમાં તીનપીતનો જૂગાર રમતા રહીમ હાજી ધુધા, સીરાજ હાજી દુધેપોત્રા, વિજય જવર સોલંકી, વિનોદ ધીરજ નીમાવત નામના ચાર શખ્સો અને ત્રણ મહિલાઓ સહિત સાત શખ્સોને રૂા.10,220 ની રોકડ રકમ અને ગંજીપના સાથે પોલીસે ઝડપી લઇ આગળની કાર્યવાહી હાથ ધરી હતી.
