આગામી તા.26/12/2021 ના રોજ જામનગર શહેરમાં વિવિધ સ્થળો પર ગુજરાત વહીવટી સેવા વર્ગ-1, ગુજરાત મુલ્કી સેવા વર્ગ-1/2 તથા ગુજરાત નગરપાલિકા મુખ્ય અધિકારી સેવા વર્ગ-2ની પરીક્ષા યોજાનાર છે. આ પરીક્ષામાં બે પ્રશ્ર્નપત્ર છે. જેમાં પેપર માટે સવારે 10:00 કલાકથી બપોરે 13:00 કલાક અને બપોરે 15:00 કલાકથી 18:00 કલાકનો સમય રહેશે.
આ પરીક્ષામાં દરેક પરીક્ષા કેન્દ્રોમાં ઉમેદવારોએ તા.26/12/2021ના રોજ પેપર-1માં સવારે 09.00 થી 9.30 કલાક અને બપોરે પેપર-2માં 14:00 કલાકથી 14:30 સુધીમાં સુચના મુજબ પ્રવેશ મેળવી લેવાનો રહેશે. સવારે 10.00 કલાક બાદ અને પેપર-2માં બપોરે 15:00 કલાક બાદ આયોગની ગાઈડ લાઈન મુજબ કોઈ પણ સંજોગોમાં પરીક્ષા બિલ્ડીંગમાં ઉમેદવારોને પ્રવેશ મળશે નહિ. તો દરેક ઉમેદવારોએ સમયસર પ્રવેશ મેળવી પોતાને ફાળવેલ પરીક્ષા સ્થળ, બ્લોક અને બેઠક નંબર જોઈ બેઠક લઇ લેવાની રહેશે તેમ જામનગર જિલ્લા નાયબ કો-ઓર્ડીનેટર તથા જિલ્લા શિક્ષણાધિકારી જામનગરની યાદીમાં જણાવાયું છે.
