તમને YouTube પર ટૂંકા વિડિઓઝ અથવા શોર્ટ્સ જોવાનું વ્યસન છે, તો YouTube એ એક નવું અપડેટ રજૂ કર્યું છે. કંપનીએ હવે એક નવું રોલઆઉટ રજૂ કર્યું છે જે વપરાશકર્તાઓને શોર્ટ્સ માટે સમય મર્યાદા શૂન્ય કરવાની મંજૂરી આપે છે.
YouTube એ એક નવું અપડેટ બહાર પાડ્યું છે જે વપરાશકર્તાઓને Shortsને ઓછા અથવા બંધ કરવાનો વિકલ્પ આપે છે. YouTube Shorts ની લોકપ્રિયતા વધી રહી છે લોકો તેના પર કલાકો વિતાવે છે. યુ.એસ. કોર્ટે યુટ્યુબ પર દંડ ફટકાર્યાના થોડા દિવસો બાદ જ યુટ્યુબનું નવું અપડેટ આવ્યું છે, જેમાં આરોપ મૂકવામાં આવ્યો હતો કે તે વ્યસનનું કારણ બની રહ્યું છે અને બાળકોને હાનિકારક સામગ્રીના સંપર્કમાં લાવી રહ્યું છે.
હવે શોર્ટ્સની ટાઇમ લીમીટ બદલી શકાશે
શોર્ટ્સ સમય મર્યાદા હેઠળ, વપરાશકર્તાઓ પાસે ઓછામાં ઓછી 15 મિનિટની સમય મર્યાદા હતી. હવે, સમય મર્યાદામાં સુધારો કરવામાં આવ્યો છે અને નવી મર્યાદા શૂન્ય કરવામાં આવી છે.
શોર્ટ્સ સમય મર્યાદા શૂન્ય રહેશે
શોર્ટ્સ સમય મર્યાદા માટે “ઝીરો” વિકલ્પ પસંદ કર્યા પછી, વપરાશકર્તાઓને શોર્ટ્સ ટેબમાં કોઈ વિડિઓ દેખાશે નહીં. આનાથી વપરાશકર્તાઓ તેમના YouTube ફીડમાંથી શોર્ટ્સ સરળતાથી દૂર કરી શકશે. ઇન્સ્ટાગ્રામ અને ટિકટોક બંને સમય મર્યાદા સુવિધાઓ પ્રદાન કરે છે.
YouTube પર ટાઇમ લીમીટ કેવી રીતે ઇનેબલ કરવી?
તમારા YouTube ફીડમાંથી Shorts દૂર કરવા માટે, વપરાશકર્તાઓએ YouTube ના સેટિંગ્સમાં જવું પડશે. YouTube એપ્લિકેશનમાં ટાઇમ મેનેજમેન્ટ પસંદ કરો. પછી, Shorts સમય મર્યાદા ઘટાડો.
