જામનગરમાં નવરાત્રિના પાવન અવસર પર અર્વાચીન ગરબાની અનોખી મોજ માણવા માટે નવરૂપ નવરાત્રી – નવરૂપ ગ્રુપ દ્વારા ભવ્ય આયોજન કરવામાં આવી રહ્યું છે.
ભાનુ પાર્ટી પ્લોટના લોન એરીનામાં ખેલૈયાઓ ડીજેના સંગીતના તાલે સનાતન સંસ્કૃતિને અનુરૂપ ખાસ ગરબાઓ રમી રહ્યા છે. અહીં આવતા દરેક ખેલૈયા, મહેમાનો તથા આમંત્રિત વ્યક્તિઓનું સ્વાગત પરંપરાગત રીતે કુમકુમ તિલકથી કરવામાં આવે છે, જે ઉત્સવને ધાર્મિકતા અને સાંસ્કૃતિકતા સાથે વધુ ભવ્ય બનાવે છે.
View this post on Instagram
ખાસ કરીને ખેલૈયાઓ માટે આકર્ષક સેલ્ફી ઝોન તૈયાર કરવામાં આવ્યો છે, જ્યાં લોકો યાદગાર પળોને કેમેરામા કેદ કરી રહ્યા છે.
સુરક્ષા વ્યવસ્થા પર પણ ખાસ ધ્યાન આપવામાં આવ્યું છે. બાઉન્સર તેમજ મહિલા સુરક્ષા કર્મચારીઓ ફરજ બજાવી રહ્યા છે, જ્યારે સમગ્ર મેદાનમાં સી.સી.ટી.વી. કેમેરા લગાડવામાં આવ્યા છે. સાથે સાથે શહેરની અંદર જ વિશાળ પાર્કિંગ સુવિધા ઉપલબ્ધ હોવાથી ખેલૈયાઓને સુવિધા મળી રહી છે.
નવરાત્રિના આ રંગીન કાર્યક્રમને વધુ રસપ્રદ બનાવવા માટે જાણીતા એનાઉન્સર ભાર્ગવી પટેલ અને હેતવી પટેલ તેમની મનોહર એન્કરિંગ દ્વારા માહોલને જીવંત બનાવી રહ્યા છે.
આ રીતે નવરુક ગ્રુપ દ્વારા આયોજિત નવરૂપ નવરાત્રી જામનગરના ખેલૈયાઓ માટે યાદગાર અને આકર્ષણનું કેન્દ્ર બની રહી છે.
